CEBU, Philippines – Wala palabya ni JM de Guzman ang pagtira sa iyang basher kinsa nisaway sa aktor gumikan sa kasoud nila ni Rhian Ramos.
Nasayran nga duna’y fans sa ka-loveteam ni JM nga si Barbie Imperial ang wala mahimout sa tsismis nga matud pa nagkasinabtanay na sila si Rhian ug ang Kapamilya actor.
Wala mahimout ang fans ni Barbie sa maong tsika gumikan kay ang ilang idolo ra gyud ang bagay kang JM.
Kahinumdoman nga nagkasoud sila si JM ug Rhian sukad sila nagkauban sa usa ka pelikula.
"Kayo nga sumisira sa fandom na to. Hunghang ka pala e. inamin nyo din. Shung,” tubag pa ni JM nga dili direkta sa isyu.
Una na nga nigawas ang taho nga usahay nalang makig-date si JM ngadto kang Barbie sukad sila nagkasoud ni Rhian.
Apan si Rhian sa iyang bahin, nihimakak kini sa report nga nagkasinabtanay sila ni JM.