CEBU, Philippines – Nakagawas na sa Cabuyao Police Station sa Laguna ang Sugbuanon nga aktres nga si Keanna Reeves sa miaging adlaw.
Kahinumdoman nga gisikop si Keanna sa mga sakop sa Criminal Investigation and Detection Group (CIDG)-Laguna sa pinuy-anan niini sa Scout Ybardolaza, Quezon City niadtong Lunes gumikan sa giatubang niini nga kasong cyber libel.
Gipasakaan og kaso si Keanna sa usa ka negosyante nga ginganlan og Nancy Dimaranan.
Ang maong negosyante nialma sa gibuhat ni Keanna nga matud nibalikas ug nanghulga kaniya pinaagi sa Facebook.
Giingong nakapyansa si Keanna og P90,000 alang sa temporaryo niya nga kagawasan samtang magpadayon ang pagdungog sa kaso niini sa korte.