CEBU, Philippines – Tulo ka mga kandidata sa bag-o pa lamang nahuman nga Miss Earth pageant didto sa kaulohan ang nangankon nga nakasinati sila og “sexual harassment” gikan sa usa sa mga sponsors sa nahisgutang environmental pageant.
Unang nireklamo si Miss Earth Canada Jaime VandenBerg pinaagi sa usaka instagram post diin matud pa gisamok-samok matud pa siya sa us aka sponsor nga iyang nahimamat sa yati niini atol sa usa ka event nila didto sa Manila Yacht Club.
Suma pa niya nga usa ka gabii human niya nahimamat ang maong sponsor, kalit matud pa siya nga nakadawat og mensahe gikan sa unregistered number ug nangutana hain siya nga lawak sa usa ka hotel nag-istar.
Wala matud pa siyay gihatagan sa iyang numero, kundili usa lang ka pageant manager er hinungdan nga nahibong na lamang siya nganong adunay ni text niya nga dili niya kaila. Nasuta niya nga sponsor diay sa pageant ang tag-iya sa maong numero kinsa nipasalig nga maoy muabaga sa iyang mga gastuhan ug panginahanglan basta makig-sex siya niya.
Duha matud pa siya ka semana nga gisamok sa maong sponsor hangtud nga nakahukom siya nga dili na mutiwas sa maong pageant ug mupauli na lang sanglit dili na siya kumportable ug nabalaka matud pa siya sa iyang kaluwasan.