Party Lang, Walay Abat-Abat!

Bahala’g muingon mo nga OA kaayo ko, or KJ gyud ko. Bahala’g muingon mo nga hilason ko, or that I should get a life. Bahala mo’g unsay inyong isulti, basta kay muingon gyud ko nga dili ko fan anang mga halloween parties.Bahala na mo pero wala gyud ko kasabot nganong naa gyuy party para anang mga ingon ana. Pakkk!

Unsa man atong mga selebrasyon diay matag November 1 and November 2? All Saints Day ug All Souls Day di ba? So nganong mag-party man gyud ta nga mag-costume ta anang mga unsa-unsa nana diha? Kalabera. White lady. Dracula. Ug daghan pa’ng bisan unsa. Ambot lang uroy ninyo diha, basta kay ako naglibog nganong ganahan kaayo mo ana nga party.

 Kay All Saints Day man, dili ba angay ug matarong nga muadto ta’s simbahan aron mag-ampo ug magpasalamat sa mga santos sa ilang paggiya, pagpanalipod ug pag-uban nato sa kanunay? Di ba ang mga santos mao manay bridge nato ngadto’s Ginoo? Mag-ampo ta ana nila, magdebosyon aron ilang dad-on ngadto sa Ginoo atong mga pag-ampo, sa pamasin nga dunggon sa tukmang panahon.  So kun magparty naman lang gyud ta, nganong dili naman lang ta magmugna og something nga mas maila pa nato ang mga santos? Nganong kana mang gyung makahadlok?

Kay All Souls Day man kaha, dili ba diay haom lang nga tua ta sa minteryo managkot, makig-uban sa hamubong panahon sa mga mahal nato sa kinabuhi nga nitaliwan na? Ngadto ta sa minteryo dili mag-picture picture para pang social media, kun dili handumon nato ilang kinabuhi samtang buhi pa sila.

Pero kay lagi kun ingon niini nga holidays, family bonding man sab gyud na, reunion kay manguli man ang atong mga membro sa pamilya nga nanimpad sa lagyong dapit, so mag-party sab gyud ta. Pero di gyud diay pwede nga party lang, walay costume- costume anang mga abat-abat? Ambot lang but ako never gyud ko nakasuway anang costume-costume kay halloween party ek ek.  Pero of course mu-attend ko’g party. Sometimes.

I simply don’t like it. Kana maoy ino-a uy. For me that is dignifying evil. Matinuod pa lang nuon nang inyong gi-costume diha. Manggagawas gyud ang tinuod nga mga kalag kay makigparty, maoy inyo. Besides, namahuway namana uy, inyo pa gyung samok-samokon? Pakkk!

Have a blessed Sunday dear okRYANians!