#HappyAndContented

Name:

Cha Cha Nable

Address:

Poblacion Ward 4, Minglanilla, Cebu

Birthdate:

February 07, 1991

Facebook Account:

Chacha Nable

Facebook Account:

Chacha Nable “makeup Artist”

Email Add:

[email protected]

“Usa sa mga di nako malimtan nga experience naku being a make-up artist kay katung time gyud nga gabangka ko from Bato, Oslob to Dumaguete. During that time, wala’y palargahon nga barge kay naay bagyo. Nagpakyaw nalng ko’g bangka og ahat kay wala gyuy gown ug costume ug walay mo make-up sa akong kandidata kung dili ko molarga. Gipiyungan nalang gyud naku ang dagko kaayu nga bawod.”

Mao kini ang gisaysay sa make-up artist nga si  Cha Cha Nable kinsa naa sa kapin sa walo ka tuig sa maong industriya. Matud pa niya, aduna gyuy mga panahon nga masukod og maao ang iyang kaligdung isip usa ka make-up artist.

Kanunay gayud niyang ipatigbabaw sa iyang pagkatawo ang iyang pagka -professional nga kasabot sa call time ug appointments sa matag kliyente hinungdan nga iya gayud kining tungahun bisan paman kun ang mga katalagman na ang mohasol kaniya.

Dugang ni Cha Cha, passion gyud niya ang pagmake-up sanglit matud pa, magmalipayon siya sa panahong makapaanyag siya og kliyente.

Walay makatupong sa kalipay nga iyang bation sa panahong mulutaw na ang tim -os nga kaanyag sa iyang kliyente.  Nagsugod siya isip assistant sa nabantug nga make- up artist ug fashion designer sa Sugbo nga si Roy Erwin Tizon kauban si Wilbert Canonigo.

Ang kanunay niyang pagkuyug -kuyug kanila kaniadto maoy rason sa pagkat- on niya’g dako sa pagpaanyag.

Sa pagpadayun niyang pagpanimpad isip make-up artist, ubay ubay na sab nga celebrities ug beauty queens ang iyang napagwapahan.

Pipila kanila mao silang Miss Earth Jamie Herrel, mga kandidata sa Miss Universe atol sa swimsuit competition nga gipahigayun dinhi  sa Sugbo, Karyl, Zia Quizon ug Arnel Pineda.  Gusto ni Cha Cha nga mahinumduman siya sa kadaghanan isip make- up artist nga dili gayud ma-late sa gisabotan nga oras.

Sa estado sa iyang kinabuhi karon, mapasigarbuhong niyang gipaambit nga kontento na siya sa kun unsay naa niya  dungan sa dakong pagpasalamat sa Kahitas- an gumikan kay dako kaayo ang tabang sa iyang talento sa inadlaw niya nga galastuhon

Mapasigarbohon niya nga gibutyag nga left and right ang iyang bookings karong panahona ug dako gyud og natampo niini ang mga  positibong feedback gikan sa mga nangagi niya nga kliyente.

Nagpasalamat usab siya og dako sa pipila ka  wedding coordinators sa Sugbo nga padayung misalig kaniya sama sa grupo ni  Meda Golda Montenegro, Genteel Events and Style ,Belle Marie Weddings ug uban pa.

Lisod para ni Chacha ang iyang kinabuhi sa dihang nagdako siya tungod kay wala siyay mama ug papa nga niagak kaniya apan dako ang iyang pasalamat sa iyang lola kansang mao ang tawo nga nigiya ug nagpadako kaniya.

Mapasigarbuhon niyang gipaambit nga tungod sa pag make- up, hinay hinay siyang nakapundar og mga butang nga naa na niya karon .

“Sa pagkakaron, in-demand ko sa weddings. Mapasalamatun gyud kaayo ko sa mga coordinators nga nisalig naku og dako ug padayung mikuha sa akong serbisyo. Sa tanan nakong mga customers nga nisalig sad ug loyal nako, salamat gyud kaayo. I am always here every time ganahan mo mugwapa,” suma pa niya.

Q& A

BNH: Unsa man ang labing dako nga challenge ang imong nasugatan isip usa ka make- up artist?

Cha Cha: Kanang hatagan ka og peg sa makeup ug hair sa client. That’s very challenging for me kay imo man gyung i-achieve bisa’g lisud usahay.

BNH: Unsaon nimo pagsagobang ang mag-usab usab nga trend sa makeup ilabi matag tuig?

Cha Cha:  Isip usa ka makeup artist dapat sab gyud updated gyud ka. But dependi rasad gyud na sa mobagay sa customer.