CEBU, Philippines – Gikumpirma ni Janella Salvador ang taod-taod na nga tsika nga matud pa gidapatan siya sa iyang ka-love team ug rumored boyfriend nga si Elmo Magalona.
Sa interview ni Janella kang Ricky Lo sa The Philippine Star, nipadayag kini nga kaduha ka higayon nga gidapatan siya ni Elmo sa dihang hubog kini.
Gipasaylo niya si Elmo pag-una, apan nausban kini sa dihang nitambong sila og party sa ilang higala.
Matud pa nga nagkalalis sila niadtong higayona ug gibalosan niya og sagpa si Elmo gumikan kay wala na kini respeto kaniya.
“He claimed that he didn’t remember what he did, maybe because he had a drink, and he asked for forgiveness, and I gave him a chance. I told him, ‘Next time, don’t bring yourself to the point that you will hurt someone.’ He promised naman that he wouldn’t do it again,” saysay pa sa aktres.
Giangkon ni Janella nga nidangop siya og psychiatrist human sa maong insidente ug mao usab kini ang gibuhat ni Elmo.
Giklaro ni Janella nga dili niya intensyon nga dauton si Elmo apan wala kini motuman sa ilang sabot nga mohimo kini og public statement aron moangkon kini sa sala nga nabuhat niini.
“I just want to correct the lies being spread against me and my mom, and to let the truth out. I thought long and hard before I decided to speak out. I gave (Elmo) the chance to speak up and own up to what he did but it seems that somebody is stopping him from doing it,” matud pa niya
Wala na usab suota ni Janella ang friendship bracelet nga hinatag ni Elmo.
“For two years, I focused on Elmo and myself. This time, I am giving more attention to myself. He hurt me and I cannot, can never tolerate that,” saysay pa ni Janella kinsa bag-ohay lang nagtingog sa iyang inahan nga si Jenine Desiderio.
Sa pagsuwat niining balitaa, wala pay tubag ang kampo ni Elmo.