CEBU, Philippines – Niulbo sa Twitter ang panagbangi tali sa duha ka singers nga sila si Darren Espanto ug JK Labajo.
Matud pa nga gitawag ni JK si Darren og bayot.
Apan giklaro ni JK nga dili siya ang nag-post sa maong mensahe ug posibleng na-hack ang iyangTwitter account .
Nagsugod ang ilang away sa giingong tweet ni JK nga nagkanayon, “@Espanto2001 gayness at its finest.”
Dili motoo si Darren sa depensa ni JK nga “hacker” ang nagbuhat niini.
“Timing ‘no? Dinelete ng “hacker” mo yung tweet na ‘to after kang kausapin ng management. Pag nahanap mo yung hacker mo puntahan niyo ako para malaman niyo kung sino yung totoong BAKLA. @KarlosLabajo,” tweet pa ni Darren.
Samtang wala mahimout si JK kang Darren gumikan kay giladlad pa gyud niini sa publiko ang ilang panagsungi nga gisuwayan naman unta nila kini og husay pinaagi sa private messages.
Depensa pa ni JK, posibleng "edited" ang "gayness at its finest" tweet .
Mibuwelta usab si Darren nga sa panahon karon, dali ra ma-detect kung tinoud ba nga na-hack o dunay ubang tawo nga nigamit sa usa ka Twitter account.
Produkto sila si Darren ug JK sa singing competition sa ABS-CBN nga The Voice Kids niadtong 2014.
“Prove it and man up! I am just here and ready to show the world who the real GAY one is,” dugang tweet ni Darren.
Nitubag usab si JK nga dili gyud siya mangayo og pasaylo ilabi na sa butang nga wala niya buhata.
“It's so hard to defend yourself because the more you do it mas hindi na kapanipaniwala. pero kung tatahi-tahimik ka lang din, para ka naring nag admit na tama mga hinala nila. gulo ng sistema diba?,” tweet pa ni JK.