Marlo gusto munang magluksa kesa umeksena kay Janella

Ngayong unti-unting lumalawak ang gap sa pagitan ng tambalang ElNella nina Elmo Magalona at Janella Salvador, nagkakaroon ng pag-asa ang supporters nina Janella at Marlo Mortel na muling mabuhay ang loveteam ng dalawa ba­gaman at ayaw patulan ni Marlo ang pagli-link sa kanila ng dating kapareha.

Katwiran niya ay baka du­ma­­­da­an lamang sina Elmo at Janella sa isang normal na kaganapan sa mga magkakarelasyon at sana maayos din nila ito. Bilang respeto, hiling niya na mabigyan ng pagkakataon ang dala­wa niyang kaibigan na ma­ayos ang kanilang gusot at igalang ng fans ang kanyang pananahimik at huwag idamay at sisihin sa kanilang problema. 

He’s still grieving for the loss of his mother and trying very hard na magampanan ang kanyang trabaho, sa kabila ng kanyang pagdadalamhati, lalo ang pagha­handa sa kanyang ImMORTELized concert na magaganap sa October 26 sa Music Museum.

Dimples kinabubwisitan agad

Kundi pa sa Kadenang Ginto ay hindi pa makikita ng manonood sa TV ang ga­ling ni Dimples Romana sa pag-arte. Marami namang magagandang role na ginawa siya in the past pero, ngayon lamang talaga siya napansin. At siguro nga ma­galing siyang kontrabida dahil kasisi­mula pa lamang ng serye niya pero, ang dami-dami nang naga­galit sa kanya. Beauty Gonzales will have to watch out kundi baka masapawan siya ng kontrabida niya.

Cristine at Liza pinaglalawayan ng mga basketbolista

Sina Cristine Reyes at Liza Soberano ang dream leading lady ng mga atleta, lalo na ng mga basketbolista. Napanood ko ang interview sa TV ng dalawang myembro ng koponan ng UP Maroons na sina Paul Desiderio at Jun Manzo na bukod sa  gustong makasama ang mga seksing artistang nabanggit ay nagsabing gusto nilang makapasok ng Pinoy Big Brother. 

Kinasasabikan ngayon ng mga UAAP fans ang bas­ketball, lalo na ang ko­po­nan ng UP Maroons dahil lumakas ang roster nito sa pagkadaragdag ng dalawang sikat na cagers na sina Kobe Paras at Ricci Rivero. 1986 pa nang huling magchampion ang UP na kasama pa sa nag­laro si Benjie Paras, ang ama ng Paras Brothers na sina Kobe at Andre Paras.