CEBU, Philippines – Todo suporta sila si Kathryn Bernardo, Megastar Sharon Cuneta ug Tommy Esguera sa bag-ohay lang nga State of the City Address ni Ormoc City Mayor Richard Gomez.
Nasayran nga nitikang sa Ormoc City sila si Kathryn ug Megastar alang sa shooting sa pelikulang Three Words To Forever kung diin usa sa mga bida si Richard.
Puslan man nga naa sila sa Ormoc, nidalikyat gyud sila sa SOCA ni Richard nga gipahigayon sa Ormoc City Astrodome.
Gituparan sila sa kapikas ni Richard nga si Lucy Torres-Gomez.
Kahinumdoman nga nihangyo gyud si Richard nga i-shoot ang Three Words to Forever sa Ormoc aron dili niya mapasagdan ang iyang responsibilad isip mayor sa maong dapit.
Si Cathy Garcia-Molina ang direktor sa maong pelikula ug gikatakda kini nga ipasalida sunod buwan.