“First Love” ni Aga ug Bea

CEBU, Philippines – Sa pagsulod sa kalibutan sa gugma aduna gyud kini sakripisyo, apan kining tanan maoy lamas sa pagkab-ot sa malipayon nga relasyon samtang buhi pa kita niining kalibutana.

Usa lang kini sa mga sitwasyon nga makita sa pelikula nila ni Bea Alonzo ug Aga Muhlach nga “First Love” nga gipaluyohan sa Star Cinema uban sa TEN17P ug Viva Films.

Mao kini ang labing unang higayon nga makatrabaho sa duha si Direk Paul Soriano kinsa karon pasad kasuway sa paghupot og  proyekto nga pure love story.

Sa pakighinabi nila sa  E-Group atol sa presscon nga gidumala ni Ms. Josie S. Pereyra sa JSP Ads and Promotions , gipadayag sa duha nga tulin kaayo ang dagan sa  shooting gumikan kay komportable ra sila sa  usag-usa.

Gibutyag ni Aga nga nakabintaha gyud ang pag-shoot nila sa  Vancouver,Canada   gumikan kay maka-concentrate sila og maayo sa trabaho sanglit naa ra gyud sila sa usa ka lugar sulod sa pipila ka adlaw.

“Sa isang lugar lang kayo sa loob ng ilang araw,  so madadala namin talaga ang aming mga karakter. So ma-maintain mo talaga yung emosyon,” suma pa ni Aga.

Dakong garbo alang kang Aga nga makatrabaho niya si Bea gumikan kay dugay na siya nga nangandoy nga makauban ang aktres sa usa ka proyekto.

“Yung mga pelikula niya noon pinanood ko talaga, lalo na yung Second Chance , sabi ko, ang galing naman ng aktres na ito , sana makatrabaho ko siya ,” hirit pa ni Aga.

Wala damha ni  Aga nga sa dihang gi-presentar ni Direk Paul ang script ngadto kaniya, si Bea  gyud diay ang iyang leading lady.

‘Nasa isip ko na gusto ko talaga makatrabaho si Bea. When Paul presented to me this love story, he went to my house. (I told him) Paul, before you present to me this story, I want to work with Bea.Sa last part ng script, sobrang nasorpresa ako dahil ang pangalan ni Bea ang nakalagay na maging partner ko sa movie,” dugang pa ni Aga.

Pagkahibalo niya nga si Bea gyud ang iyang makapares , wala gyud siya magduhaduha sa pagdawat sa maog proyekto.

Sa maong pelikula ipakita kun  unsa  ka importante ang pag-enjoy sa kinabuhi ug usa kini sa mopatigbabaw sa maong pelikula sanglit duna’y usa ka habig nga ganahan na mo-surrender sa kinabuhi, samtang ang pikas habig, ganahan  nga magmalipayon samtang naginhawa pa siya niining kalibutana.

Magtagbo ang ilang mga dalan   ug dinhi  nahulma ang ilang panaghigumaay  nga nag-agi pud og mga pagsulay.

‘ Proud ako sa pelikulang ito, hindi masasayang ang oras  ninyo kung panonoorin ninyo ito. Ang ganda ng material. Yung cinematography  sobrang ganda   ,” matud pa ni Aga.

Gihulagway niya si Bea  nga wala’y labad katrabaho  ug  buotan  busa usa kini sa iyang napanglantawan kung nganong nagdugay ang aktres sa industriya.

Samtang si Bea sa iyang bahin,  wala usab niya damha nga makapares niya si Aga sa usa ka pelikula gumikan kay hagbay ra pud siya nga fan sa aktor.

Usa sa iyang ganahan nga pelikula ni Aga mao ang “Sana Maulit Muli” kauban si Lea Salonga niadtong 1995.

“Unang una, masaya ako kasi finally naka trabaho ko na siya, di ba? Kasi ang tagal ko na tong hinintay .Parang nasabi ko na oops … 18 years ako nag te-training. Kailan kaya? Kailan ko kaya ma e-earn ‘yung right to work with the Aga Muhlach?”, nagkatawang gipadayag ni Bea.

Gipaambit ni Bea nga duna gyu’y higayon nga wala siya napilian ni Aga sa usa ka proyekto kaniadto.

“Pinili niya si Angel (Locsin), Anne (Curtis), at  Angelica (Panganiban) but not me. Sabi ko, bakit kaya?”,  komedya pa ni Bea.

Hinuon nakaingon si Bea nga duna gyu’y insaktong panahon aron magkaabot ang dalan nila ni  Aga ug swak kini karong tuiga..

“Iba talaga ang feeling  na makasama mo ang isang bigating artista. Na realize ko rin na mas maganda na ngayon ko lang siya naka trabaho kasi kung mas bata pa ako, iba pa rin yung tingin ko sa craft. Iba pa ang tingin ko sa buhay. Mas malalim na kaalaman ko ngayon tungkol sa love, life at tungkol sa industriya,” dugang pa ni Bea.

Usa  sa nauyonan ni Bea atol sa shooting mao nga gihatagan gyud sila og igong oras sa pagpalapad og maayo  sa ilang karakter.

“Hindi talaga spoon-feed yung ginagawa namin, hindi kami tinatrato na bata, talagang may pagkakataon mas pinalalim namin ang aming mga karakter. Ang galing ni Direk Paul, “saysay pa ni Bea.

Gihulagway ni Bea si Aga nga dili hambugero, propesyonal katrabaho  ug kalmado.

“Noong una medyo kinabahan, kasi Aga na yung kasama mo, hanggang nakilala ko siya, sabi ko, ang bait pala niya, kaya sobrang komportable ako  na katrabaho siya,”  paambit pa ni Bea.

Unang love story-themed movie kini ni Aga human siya nipahuway gikan sa showbiz sulod sa walo ka tuig. Busa nagkanayon si Bea nga, “hindi ito gagawin ng isang Aga Muhlach kung hindi ito maganda.”

Mosikad na karong adlawa ang maong pelikula ug espesyal kaayo kini sanglit gisaulog usab nila ni Direk Paul ug Bea ang ilang birthday karong adlawa.