Name: Jing Oliva
Adress:Baranggay Punta, Ormoc City
Birthdate: September 1, 1968
Fb account: Jingkay Gaviola Oliva Monte Carlo
Emaill add: jingolivasalon@gmail.com
CEBU, Philippines — Bisag kinsay pasultihon, mabulukon ug colorful gyud ang kinabuhi sa atung mga kaigsuonang mga bayot.
Sila ang mga klase sa tawo nga bisag nagsagubang na sa nagkadaiyang suliran, mangita gayud gihapon sila og paagi arun mamahimong positive vibes ang tanan.
Gani, sila ang number one bearer sa mga dagkong bahakhak sa pagpakatawa.
Dili ikalimod nga kadaghanan kanila pinangita sab nato tungod sa ilang abilidad nga makahatag kanato og lami nga pahiyom.
Apan labaw pa sa ilang pagpakatawa ug paglingaw kanato, may mga tagsa tagsa sab silang gipang-pas an nga mga suliran.
Pipila kanila mao kini ang gihimo nilang inspirasyon ug taming sa hingpit nilang pagkahimutang sa kasamtangang panahon.
Usa niini mao ang usa sa mga banggiitang mga makeup artist nga si Jing Oliva nga gawas sa Ormoc, nagbandera usab ang iyang pangalan didto sa Manila.
Di na sab masukod ang iyang katakos sa propesyon nga iyang gipili sanglit ubay ubay naman nga mga award giving body ang miila sa iyang kaligdung ug usa na niini ang prestihiyosong Ricky Reyes Make-Up competition niadtong tuig 2002 kung diin siya ang migawas nga over all champion sa Commercial Make-Up category.
Dili na sab maihap pa ang mga artista sa tulo ka mga dagkong TV networks sa Pilipinas nga nag- agi sa iyang mga pangamot didto sa kauluhan.
Pipila sa dili niya malimtan nga nahimo niyang mga kliyente mao silang Zsa Zsa Padilla, Aiko Melendez, Chinchin Guttierez, Manilyn Reynes, Donita Rose, Agot Isidro ug Ruby Rodriguez.
Taud taud sab siyang naghupot og national celebrities sanglit nahimo man siyang in-house make-up artist sa ABS-CBN Manila.
Kapin sa 30 ka tuig na nga make-up artist si Jing ug sa matag panahong sud-ongon niya ang iyang kaagi kaniadto, dili gyud niya malikayan nga mamahimong emosyonal.
“Nag start ko’g trabaho sa among mga silingan sa una sa bata pa ko. Tungod sa kalisod, pag-highs chool nagtrabaho ko’g parlor pero tago tago lang to kay masuko man ako amahan ug mga igsuon nga magbayot ko. Until such time, na engganyo ko’g make up tungod gyud sa akong amiga ug akong inspirasyon nga si Roy Erwin Tizon. Sa una, kuyog-kuyog ra ko niya mag make-up siya og pageant sa Miss Ormoc hangtud nga ako na gyuy tig make-up ug hangtud nga nahimo na ko kung kinsa ko karon, saysay pa niya.
Tungod sa pagtuo nga makakita siya og mas maayong oportunidad sa Manila, nilangyaw siya sa maong dapit bitbit ang iyang mga hiraminta sa pagpaanyag.
Ang iyang pagtuong kaharuhay nga matagamtaman sa Manila, usa diay ka binali nga reyalidad sa pag-abot niya didto. Kinahanglan nga molihok gyud og taman aron makakuwarta ug ipakita gyud ang hugyaw nga abilidad aron mabatyagan kini sa kadaghanan.
“Pag-abot nako’g Manila, grabe gyud hinuon kalisod ang akong naagian. Pero di gyud ko kalimot ato nga nagpadayun lang gyud ko sa akong pag-ampo sa Ginoo nga makaya nako ang tanan. Siya ra gyud akong gisandigan niadtong mga panahona. Wa gyud ko ato mo-surrender hangtud nga sa paglabay sa mga katuigan, na-reach na gyud nako ang akong break. Dako sab gyud akong pagpasalamat ngadtu ni Sheila Ysrael tungod kay tungod niya na-discover nako nga may talent diay ko sa pag make-up,” matud pa niya.
Adlaw, buwan ug tuig ang mga nakalabay, padayun ang iyang pagnikaysikay sa kauluhan isip make-up artist dinuyugan sa mga diskarte niya sa kinabuhi arun lang makasustener sa matag adlaw nga mga hagit kaniya.
Tuod man, ang tanan niyang mga pag-antos gisuklian og grasya sa dihang na sud siya sa showbiz world sa kauluhan.
Nahimo siyang in-house make up artist sa ABS-CBN sa kauluhan ug sukad niadto, sunod sunod na ang mga grasya nga iyang nadawat.
Nalukop sab niya’g make up ang mga nag-unang stars sa TV5 ug GMA-7 kaniadto.
Nahimong inspirasyon ni Jing mao ang iyang mga kalisud nga kaagi kaniadto sa kauluhan nga maoy nakapabarog niya karon.
Matud sab niya, dako ang iyang paghigugma sa pag make-up sanglit dako man ang iyang kalipay matag panahong makapa- transform siya sa dagway sa iyang mga kliyente.
Sukad nga mitaliwan na ang iyang inahan, gipili ni Jing nga mobalik na lamang sa Ormoc City ug didto na manikaysikay sa gipabarug niyang kaugalingong salon.
Apan bisag naa na siya nahimutang sa Ormoc, pangitaon gihapon siya sa iyang mga kliyente nga mga artista kung aduna silay show sa Sugbo.
Usa sa mga celebrity nga mangita gayud kaniya mao si Zsa Zsa Padilla nga nahimo na sab niyang suod nga higala.
Sa kasamtangang panahon, aduna sab siyay gown rental business ug mo-coordinate sab siya’g wedding events.