Nagbuwag gyud

CEBU, Philippines – Sa press conference sa pelikula nga 'Para Sa Broken Hearted, gikumpirma na gyud ni Sam Concepcion nga gituldukan na gyud nila ni Kiana Valenciano ang ilang relasyon. Wala modetalye si Sam kun kanus-a kini nahitabo ug unsa ang rason sa ilang panagbuwag.

Dili iuli

Walay plano ang aktor nga si Daniel Matsunaga nga ibalik ang Honorary Doctorate degree nga gihatag kaniya sa Brethren Evangelical School of Theology (BEST) bisan og gikwestyon na sa Commission on Higher Education (CHED) ang pagdawat niya sa maong award. Usa si Daniel sa 18 ka mga gihatagan sa Doctor of Humanities Major in Community Services and Development degree sa maong institusyon. Matud pa ni Daniel nga apektado sab ang iyang pamilya sa maong panghitabo. "Siyempre nalungkot kami, with all the hating and bashing towards me and my family. One thing I have to say is I'm just a recipient of the award," suma pa ni Daniel.

Gipaabot si Jake

Nanghinaot ang inahan ni Jake Zyrus nga si Racquel Pempengco nga unta bisitahon ni Jake ang iyang apuhan nga si Thess Pineda kinsa anaa karon sa tambalanan  human nga nakasinati og brain aneurysm. Suma pa ni Racquel nga si Jake ang paborito nga apo sa iyang inahan ug hangtud karon wala pa kini mobisita.

Nakugang  sa engagement

Suportado ra ni Bugoy Drilon ang lovelife  sa iyang ex-girlfriend nga si Liezel Garcia. Gani, gikalipay ni Bugoy nga engaged na kini sa boyfriend niini nga si Justin nga gipailaila sa dalaga ngadto niya. Gitug-an ni Bugoy nga na-shock sab siya sa taho nga  engaged na ang duha. “Masaya po ako kasi nakita ko talaga si Liezel na she’s very happy. Shocked po ako kasi they’ve been together for two years but one week lang po sila nag-meet in person then engaged na sila”, suma pa ni Bugoy.

Parte sa pamilya

Gipadayag ni Luigi Revilla nga wala siya makabatyag  nga half-brothers lang sila ni  Jolo ug Bryan Revilla. Matud pa niya nga na feel niya nga parte gyud siya sa pamilya niadtong panahon nga nag-abot sila sa haya sa ilang apuhan. “That time pa lang, grabe na ang pag-accept sa akin ng mga kapatid ko. Kiniss pa ako nila and sobrang warm ‘yung pag-welcome sa akin”, suma pa ni Luigi.

Emosyonal gyud

Dili gyud malikayan nila ni Kathryn Bernardo ug Daniel Padilla ang pagtulo sa ilang mga luha ilabi na kun makadungog og mga pagdayeg sa hugyaw nila nga performance sa pelikulang  “The Hows of Us”. Kahinumdoman  nga kapin na sa   P601 million  ang kita niini sulod lang sa 20 ka adlaw sukad kini gipagawas sa mga sinehan lukop nasud.  

Jane ug kyle nagbuwag

Giangkon ni Jane Oineza sa Magandang Buhay  kagahapon nga nagbuwag na sila ni  Kyle Secades. Taud-taud na nga nagbuwag sila niini. Nagsunod sila sa  break up nila ni  Paul Salas ug Barbie Imperial.

andAm na ba?

Sila si Marco Gumabao ug Jaine Oineza mao ang magpares sa umaabot nga serye nga “Precious Hearts Romances: Los Bastardos”. Giangkon ni Marco nga nangandam na silang duha nga mobuhat og intimate scenes. "We'll be ready and we took up workshops naman together. Sana pagdating ng time [na yun], maging ready naman kami”, suma pa ni Marco.

Head jury

Ang international award-winning director nga si Brillante Mendoza mao ang labing una nga Pilipino nga mahimong head jury sa panel of judges sa umaabot nga Tokyo International Film Festival nga mahitabo karong Oktubre 25 hangtud sa Nobiyembre 3. Siya matud pa ang mangulo  sa mga hurado sa maong festival.