Nikki hindi makakalimutan ang sumadsad na eroplano sa NAIA

Nakatuwang nakakaiyak pala ang mga nangyari bago nakasal ang aktres na si Nikki Valdez sa Hong Kong sa non showbiz husband na niya ngayon na si Luis Garcia.

Kuwento niya kahapon sa Magandang Buhay, bukod sa nagkasakit ang anak niya (sa first husband) two days before the wedding, kasama sila sa mga naapektuhan sa sumadsad na eroplano sa NAIA recently.

Kaya naman katakut-takot daw na tension ang kanyang inabot.

Buti na lang at parang chill ang husband niya kahit nung guest sila sa Magandang Buhay, kalma ang hitsura nito. Nag-depart na lang sila sa Clark via Macau and from Macau nag-ferry sila going to HongKong para lang matuloy ang nasabing kasalan.

Usung-uso ang destination wedding sa celebrities na parang nakakataka rin na imbes na dito na lang sa ating bansa sila mag-iisang dibdib, dumadayo pa sila sa abroad.

Mas tipid kayang pakasal sa abroad?

Ang susunod na ikakasal sa ibang bansa ay si Christian Bautista.

Hindi na mabilang ang celebrities na may destination wedding.