Ynez gipikhan ni Tina
CEBU, Philippines – Mialma ang Kapuso actress nga si Tina Paner sa giingong pagbugal-bugal ni Ynez Veneracion sa iyang hitsura.
Nagsugod kini sa Facebook post ni Ynez kung diin ni-post siya og hulagway kung diin kauban niya si Ramon Christopher “Monching” Gutierrez sa usa ka birthday party niadtong Lunes.
Usa ka netizen ang ni-comment sa wall ni Ynez nga matud pa basin dunay magselos sa litrato nila ni Monching.
Nitubag si Ynez og, “Hahahaha! Di naman cguro sis. May babalina at bansot naman syang bff hahaha! Magsama sila.”
Wala panganli ni Ynez ang tawo nga iyang gipasabot apan ang netizen naghisgot sa apelyidong “Paner” .
Hirit matud pa sa maong netizen, “Baka sabunutan kayo ni Paner.”
Naabot kang Tina ang maong istorya busa wala sad kini nagpaulahi sa paghatag og reaksyon.
Matud pa ni Tina, “Hahaha laki ng problema ni @ynez_veneracion888 pati pagiging babalina at bansot ko pinoproblema! Lol”
Nigamit si Tina sa hashtag nga “#itsgodsgiftnotdoctorsgift” nga nagpasabot nga wala gyud siya nagparetoke sa iyang lawas.
- Latest
