The Shy Mister

CEBU, Philippines — Paghatag og atensyon sa pag-atiman sa kalikupan mao ang usa sa  gihimug-atan nga adbokasiya sa 20- anyos  ngxx a si Delio Roco Duja gumikan kay hugot ang iyang pagtuo nga dako og role ang kabataan sa pagpakaylap ngadto sa kadaghanan nga dili abusaran ang atong kinaiyahan.

“Bisan ginagmay nga butang nga makatabang sa pag-protect sa atong mother nature, dako na kaayo na og tabang.  Magtanom ta og mga kahoy, aron malikayan ang mga landslide.  Dili sad ta magpataka  og  labay sa atong mga basura,” matud pa ni Delio.

Usa si Delio sa mga indibidwal  nga wala magdahom nga maabot lang og kalit sa kalibutan sa indigay sa kaambongan.

Siya ang kasamtangang naghupot sa titulo nga Ginoong Leyte 2018 busa mapasigarbuhon  kaayo siya sa iyang adbokasiya nga buot niya ipaambit sa kadaghanan.

“Sa una sa school, daghan gyud magsige og invite nako aron moapil og mga pageant , pero dili gyud ko mosugot kay maulaw gyud ko. Apan pag-2015, ni-join ko  og mga modeling workshop, ambot lang, na-intresado man sad ko og kalit nga mo-join ato nga workshop.  Pagkahuman ato, nagka-interest  ko nga mo-join dayon og mga pageant kay gusto nako i-apply ang akong mga nakat-onan ,” matud pa niya.

Gani kasuway si Delio nga giingnan siya nga wala siya’y angay nga mosalmot og mga pageant

“Nagsilbi rato nga challenge, pero wala rako nalain sa tawo nga nagsulti ato. Ako gibuhat, ako jud gisuwayan ang pageant,” dugang pa ni Delio.

Tungod sa pagsulod sa maong industriya, ubay-ubay gyud ang naangkon ni Delio nga kaayohan ug usa na niini ang anam-anam  nga pagkawala sa iyang pagka maulawon.

“Bisan niapil nako og mga pageant, dili man sad na malikayan, nga maulaw ta usahay gud.  Hangtud naabot ra gyud ang time nga komportable na kay ko moatubang og daghang tawo, “  saysay pa niya.

Bisan ang ubang moingon kaniya nga dili sya perpekto,  dili  kini sukdanan aron mawad-an og pagsalig sa kaugalingon nga mosalmot og mga indigay gumikan  kay ang kadaugan mobase kun giunsa kini pagdala sa kaugalingon atubangan sa mga tawo.

BNH: Unsa ang di nimo malimtan nga experience sa pag-apil og pageants?

Delio: Duna’y time nga naulawan gyud ko.  Talent portion to siya, nag-guitar ko, pero dunay part nga nasayop ko. Bisan ulaw kaayo to, wala lang jud ko nagpahalata, nagpadayon lang gyud ko sa pag-perform.

BNH: Unsa ang dili nimo malimtan nga mga tambag sa imong mga mentors sa pageant?

Delio:  Dili lisod ang pagkab-ot sa kalampusan, ang lisod kay kung unsaon kini nimo pag-maintain ilabi na kung duna’y mga tawo nga gusto ka i-down.  Ang buhaton lang gyud kay dili na lang gyud ka magpadala.

BNH: Unsay mga benepisyo ang imong nadawat sa imong pag-apil og pageants sa imong kinabuhi?

Delio:  Siyempre money, hehehe. Bitaw  ang usa gyud sa kaayohan nga akong nakuha kay  daghan nako og friends. Sa bisan unsa nga pageant nga atong apilan, makaila man gyud ta og bag-ong friends.

BNH: Unsa ang imong mahatag na advice sa mga lalaki nga ganahan pud moapil og pageants?

Delio: Importante gyud ang attitude,  dapat dili sila magpa-late.   Dapat humble lang gyud permi  ug mosalig gyud sa Ginoo.

BNH: Unsa nga sitwasyon nga makapalagot kanimo?

Delio: Saputon ko basta kalat kaayo.

BNH:  Unsa nga butang nga makapalipay kanimo?

Delio: Ganahan gyud ko og animals. Naa koy alaga nga dog, birds , fish , ug daghan pa.

Pa-ukyab questions:

BNH: Naa  ka’y uyab karon?

Delio:  Wala , kontento raman ko sa akong pagka-single.

BNH: Unsa nga qualities  ang gipangita nimo sa usa ka babaye?

Delio: Ang importante nga buotan, ug love kaayo niya ang Ginoo.

BNH: Kanus-a ka katapusang na-broken hearted?

Delio: I think three years ago.  Sakit kaayo to, nag-eskwela man gud siya sa layo. Wala  siya mo- work.  Nakahilak gyud ko ato.