Unang adlaw Miss Granny naka-P7.8M
CEBU, Philippines – Gipahibalo sa Viva Films pinaagi sa social media account niini nga P7.8 million ang kita sa unang adlaw sa pagpasalida sa pelikulang Miss Granny.
Ang maong pelikula nga gibidahan nila ni Sarah Geronimo, James Reid ug Xian Lim gipasalida sugod niadtong Miyerkules, August 22.
Ang maong pelikula adaptation sa worldwide South Korean blockbuster film nga gipasalida niadtong 2014 ug nakabaton kini og daghang awards. Nagmalampuson usab ang adaptations niini sa China, Japan, Taiwan, Vietnam, Thailand, Indonesia, India, Germany ug daghan pa.
Kalabot kini sa kinabuhi sa 70-anyos nga pensiyonada nga si Fely (Nova Villa), nga nahibalik sa edad nga 20 anyos isip Audrey (Sarah) kinsa todo suporta sa pangandoy sa iyang apo nga si Jeboy (James) nga mahimong usa ka musikero.
- Latest
