Gwen nadagdagan ang timbang sa goyo!

SCENE: Bumangka nang husto ang direktor na si CathyGarcia-Molina sa presscon ng The Hows of Us noong Miyerkules. Mami-miss ni Cathy ang showbiz kapag nag-retire siya sa 2019.

SEEN: Wala nang impact ang pag-amin nina Kathryn Bernardo at Daniel Padilla tungkol sa limang taon na relasyon nila dahil matagal nang alam ng publiko ang kanilang boyfriend-girlfriend relationship.

SCENE: Sa August 30 ang gala premiere sa SM Megamall Cinema ng Goyo: Ang Batang Heneral ng TBA Studios. Magsisimula ng 5:30 pm ang red carpet at eksaktong 7 pm ang umpisa ng screening ng epic movie ni Paulo Avelino.

SEEN: Si Gwen Zamora ang leading lady ni Paulo Avelino sa Goyo: Ang Batang Heneral. Malaki ang nadagdag sa timbang ni Gwen at kapansin-pansin ito sa grand presscon kahapon ng Goyo na ginanap sa isang hotel sa Quezon City.

SCENE: Nagsimula na ang taping ng Cain at Abel ng GMA 7 noong Miyerkules. Mga bida sa Cain at Abel sina Dingdong Dantes at Dennis Trillo. Co-stars nila sina Dina Bonnevie, Eddie Gutierrez, Ronnie Henares at Rafael Rosell.

SEEN: Aurora ang pangalan ng barko na lumubog sa pelikulang Aurora, ang ghost movie ni Anne Curtis na official entry sa Metro Manila Film Festival sa December.

SCENE: Hindi na palabas sa mga sinehan ang critically-acclaimed movie na Signal
Rock pero dalawang araw ito na itatanghal sa Cine Adarna ng University of the Philippines sa September 4 at September 5, 2:30 pm, 5 pm at 7:30 pm.