CEBU, Philippines — Human sa iyang successful concert tour sa Amerika alang sa selebrasyon sa iyang 15th anniversary sa show business, balik-pelikula ang Pop Royalty nga si Sarah Geronimo alang sa palahi nga dalit sa VIVA Films, ang family drama nga “Miss Granny.”
Ang maong pelikula molugwa na sa mga sinehan sugod karong adlawa.
Makauban niya ang Multimedia Prince nga si James Reid ug ang heartthrob nga si Xian Lim ug ubos kini sa direksyon sa certified hitmaker nga si Bb. Joyce Bernal.
Ang Miss Granny gibase sa worldwide South Korean blockbuster film nga gipasalida niadtong 2014 ug nakabaton kini og prestigious awards . Nagmalampuson usab ang adaptations niini sa China, Japan, Taiwan, Vietnam, Thailand, Indonesia, India, ug Germany.
Gihimuan usab kini og English ug Spanish language versions didto sa Hollywood.
Naghisgot kini sa kinabuhi sa 70-anyos nga pensiyonada nga si Fely (Nova Villa), nga nahibalik sa edad nga 20 anyos isip Audrey (Sarah) .
Todo suporta siya sa pangandoy sa iyang apo nga si Jeboy (James) nga mahimong usa ka musikero.
Aminado si Sarah nga na-challenge siya sa papel nga 20-anyos . Kinahanglan gyud niya ang retro ang dating sa iyang hitsura ilabi na ang iyang mga lihok.
“May tumutulong po sa akin na acting coach. Kasi, siyempre, ang nuances of a woman in her 70s, medyo iba sa galaw ng 20s. Siyempre, medyo matagal na iyong huling acting project ko, so challenging din for me,” suma pa sa singer-actress.
Katapusang nilugwa si Sarah sa pelikulang “Finally Found Someone,” ang reunion project nila ni John Lloyd Cruz sa miaging tuig.
Mao kini ang labing unang higayon nga nakatrabaho niya si Direk Joyce ug nag-enjoy siya og maayo niini.
“Magaan lang po ang trabaho. Para po ito sa buong pamilya, para sa mga nangangarap. Itong istorya po ay dedicated to all the mothers out there. Pinapakita po nito iyong unconditional at fearless na pagmamahal ng isang ina sa kanyang anak. It’s also a dreamer’s story,” dugang pa ni Sarah.