CEBU, Philippines — Mipaso na sa altar sa kaminyuon ang aktres nga si Nikki Valdez kagahapon didto sa Hong Kong. Alas 4 sa hapon opisyal nga nahimong misis ngadto sa iyang bana nga si Luis Garcia.
Dako og respeto
Giangkon ni Thou Reyes nga malipayon siya nga nalakip siya sa pelikula nga gibidahan ni Erich Gonzales nga “We Will Not Die Tomorrow”. Mao kini ang labing una nga action film nga iyang naapilan. Matud pa ni Thou nga dili lalim ang mga action scenes nga ilang nahimo ug tungod niini mas nidako ang iyang respeto sa mga banggiitan nga mga action stars.
Gretchen, naospital
Gidali og dala sa tambalanan ang entertainment reporter nga si Gretchen Fullido niadtong miaging adlaw gumikan sa gastroesophagael reflux disease. Matud pa ni Gretchen nga ang una nga sintomas nga iyang gibati mao ang paghuot sa iyang dughan ug naglisod siya og ginhawa diin nalipong sab siya. Gibutyag hinuon sa doktor nga wala ra siya’y sakit sa kasingkasing.
Gf ni Jairus
Gibitbit ni Jairus Aquino ang iyang non-showbiz girlfriend sa presscon sa pelikula nga “Petmalu”. Matud pa ni Jairus nga proud siya nga ipailaila ang iyang girlfriend sa publiko. Dugang pa nga mao sab kini ang unang higayon nga makabaton siya og girlfriend. Giangkon sab si Jairus nga komportable siya nga makauban kini aron ipaila ngadto sa iyang girlfriend ang dagan sa iyang trabaho.
The gold button
Nakadawat og The Gold Button ang aktres ug ang naila nga kalog nga Vlogger nga si Alex Gonzaga. Mao kini ang pasidungog gikan sa Youtube ngadto sa mga content creators sa tibuok kalibutan nga nakaangkon og minilyon nga subscribers. Usa ka tuig na nga vlogger si Alex ug dakong pasalamat niya sa tanan nga subscribers nga way puas nga misuporta kaniya.
Wala nireply
Gibutyag ni Angelina Cruz nga mi-reach out siya sa iyang amahan nga si Cesar Montano. “I tried reaching out to him but he hasn’t replied or anything. And I know what he’s going through. I just wish his issue could be resolved and I just wish the best for him”, suma pa ni Angelina.
Gi-Google
Si Nate Alcasid mismo ang nakahibalo nga kanhi magtiayon ang iyang amahan nga si Ogie Alcasid ug sa iyang ninang nga si Michelle Van Eimeren. Matud pa ni Ogie nga gikumpirma kini ni Nate pinaagi sa diretso nga pagpangutana ngadto sa inahan nga si Regine Velasquez. Gitug-an sab ni Nate nga gi-google niya ang maong kasayuran.
Agad sa imbitasyon
Andam gihapon si Xian Lim nga mahimong escort ni Kim Chui sa umaabot nga Star Magic Ball. Wala na sa nataran sa Star Magic si Xian human nga mibalhin sa Viva. “But if she invites me, why not? And of course it’s an invitation. If I’m welcome, why not?”, suma pa ni Xian.
Pagsugakod
Gitug-an ni Joshua Garcia nga dili gyud niya gastuhon ang iyang 10 pesos nga bawon niadtong high school pa siya aron aduna siya’y ikapalit og regalo sa iyang girlfriend kaniadto. Gugma ang nakaingon nganong nasugakod ni Joshua ang mga panahon nga isakripisyo niya ang iyang bawon alang sa iyang girlfriend.