CEBU, Philippines – Natuldokan na gyud ang tsismis nga mobalhin si Beauty Gonzales sa GMA-7. Nipirma og exclusive contract si Beauty sa ABS-CBN niadtong Huwebes. Malipayon si Beauty sanglit mao kini ang labing unang higayon nga exclusive contract ang iyang gipirmahan bisan pa man nga dugay na siya sa maong network.
Nagbaha ang greetings
Nagbaha ang nadawat ni Valerie Concepcion nga special greetings gikan sa iyang mga higala sa dihang gianunsyo niya sa miaging adlaw nga engaged na sila sa iyang non-showbiz boyfriend nga si Francis Sunga. Nipadangat og mensahe kaniya sila si Ana Roces, Yasmien Kurdi, RR Enriquez, Ehra Madrigal, Isabel Oli, Maxene Magalona, Carla Abellana, Denise Laurel, Kiko Estrada, Meg Imperial, ug Carmen Soo.
Resulta sa pagdaginot
Tsika pa ni Kris Bernal nga nagdaginot gyud siya sulod sa taas nga panahon hinungdan nga nakapalit gyud siya og balay sa Amerika. Gani duna’y mga higayon nga dili siya mokuha og kaugalingong driver ug glam team aron lang gyud dili siya makagasto og dako.
Pribado lang
Gibutyag ni Myrtle Sarrosa nga dili na kinahanglan nga iyahang ipaambit sa publiko sa higayon nga makabaton siya og uyab. Nasayran nga duna’y non-showbiz guy nga nangulitawo karon sa aktres. “Hindi naman kailangan lahat ng sa buhay ninyo ise-share sa ibang tao, parang masyadong complicated para sa akin,” suma pa ni Myrtle.
Friends ra uy !
Giklaro sa Hashtags member nga si Vitto Marquez nga higala ra niya ang Kapuso actress nga si Bea Binene ug dili tinuod ang nitumaw nga tsika nga matud pa duna sila’y tinagoang relasyon. “Kaibigan ko siya. Mahal ko siya as a friend,” tsika pa niya ngadto sa PEP.
Brokenhearted si Tekla
Duha ka semana na nga buwag sila si Super Tekla ug sa iyang bisexual nga girlfriend. Matud pa ni Tekla nga wala pa siya ka move on hangtud karon. Matud pa nga nagsige na sila og away niini hinungdan nga dili na healthy ang ilang relasyon. Kusog matud pa kini mamuak og butang sa higayon nga mag-away sila.
Gidid-an sa Dos?
Wala pu’y ideya si Xian Lim nganong wala siya paapila sa promosyon sa pelikulang Miss Granny sa pipila ka mga programa sa ABS-CBN. Sila si James Reid ug Sarah Geronimo lang ang gipalugwa sa It’s Showtime ug Gandang Gabi Vice alang sa promosyon sa ilang pelikula. “I also have the same question... good vibes na lang po palagi,” tweet pa ni Xian Lim.
Wala mahadlok
Dili mahadlok si Ogie Alcasid nga moabot ang panahon nga malaos na ang iyang career. Suma pa ni Ogie nga 30 ka tuig na siya sa industriya busa nag-enjoy na siya og maayo sa paghatag og kalingawan sa publiko. Ang labing importante kaniya nga nalingaw sa iyang mga kanta ang mga tawo. “Sa totoo lang, enjoy lang ako sa ginagawa ko. Tapos, sanay ako sa hardwork kaya kung anuman, kung saan man ako ilagay okey lang, okey lang sa akin,” suma pa sa singer-composer.
Bilib sa mga Pinoy
Bilib kaayo sa mga Pinoy ang British–Malaysian actor nga si Henry Golding kinsa usa sa mga bida sa pelikulang “Crazy Rich Asians”. Matud pa niya nga saksi gyud siya unsa kaisog ang mga Pinoy sa dihang gihapak kini og katalagman ug dili gyud kini mo-surrender sa paet nila nga sitwasyon.