Nagbuwag na?

CEBU, Philippines – Miulbo karon ang hungihong nga matud pa nagbuwag na ang kanhi PBB 737 Big Winner Miho Nishida ug ang rumoured boyfriend niini nga si Young JV. Adunay gipagawas nga mensahe  si  JV sa iyang Instagram story niadtong Martes nga nagpasumbingay  sa ilang istado . "Getting cheated on and not caring [about] how you feel is just wow”, suma pa ni JV.

Mopadayon sa pagtuon

Gipaneguro ni  Marco Gallo nga dili gyud siya magmahay sa pagpanamilit niya sa showbiz.   Kahinumdoman nga nipauli na sa Italy si Marco sa miaging adlaw. Plano niya nga  ipadayon ang iyang pag-eskwela.

Ni-audition diay

Gitug-an ni Heart Evangelista nga mi-audition gyud siya aron makakuha og role sa pelikula nga gilakipan ni Kris Aquino nga “Crazy Rich Asians”. Wala modetalye si Heart kun unsa nga partikular nga role ang iyang gitinguha. "I actually auditioned for Crazy Rich Asians. That's my little secret. I almost got the part actually”, suma pa ni Heart.

International treasure

Gihulagway ni Keala Settle ang broadway star nga si Lea Salonga isip  “international treasure”.  Si Keala maoy midala sa karakter nga Lady Lettie Lutz sa pelikula nga The Greatest Showman. Sa video nga iyang gikuha sa usa ka restaurant didto sa New York, live nga miawit si Lea sa theme song sa Disney movie nga “Mulan’ nga mao ang  “Reflection”. “.Just so we’re clear...@MsLeaSalonga is a GODDAMN INTERNATIONAL TREASURE. I could listen to her sing FOOOOOOOREEEEEEVERRRRRRRR.” Suma pa ni Keala.

Reunion

Nag-reunion ang BoybandPH ug ang  K-pop star nga si Sandara Park. Gipaambit  ni Sandara ang ilang litrato sa iyang Instagram account kun diin nakauban niya kini human kini nahimo niya nga guest sa iyang show nga “DaraTV” vlog ug sa Korean reality show niini nga “Mimishop”. Usa sa mga hurado si Sandara sa Pinoy Boyband Superstar kun diin nahimong produkto sila si  Joao Constacia, Tristan Ramirez, Ford Valencia, Russell Reyes ug Niel Murillo .

Game ra

Game ra si Jericho Rosales sa posibilidad nga makauban niya pagbalik sa proyekto ang iyang kanhi ka-loveteam nga si Kristine Hermosa. Matud pa niya nga dili gyud siya magduhaduha nga mosugot kon mahitabo nga magkatrabaho sila pagbalik ni Kristine. Kahinumduman nga sila ang orihinal nga  mga bida sa teleserye nga “Pangako Sayo”.

Personal nga namaligya

Personal gyud nga namaligya og ticket si Anne Curtis para sa iyang concert.   Nag-ulohan kini og AnneKulit. Maingon nga hands-on gyud si Anne alang sa iyang umaabot nga 21st anniversary concert nga mahitabo karong Agosto 18 sa Araneta Coliseum.

Walay gipausab

Gilimod sa aktor nga si Christian Bables ang isyu  nga aduna siyay giparetoke sa  iyang nawong. Daghan ang nakamatikod nga nausab ang ilong sa aktor. Apan gibarugan gyud niya nga wala gyud siya’y gipausab sa iyang nawong. Tsika pa ni Christian nga kun aduna man gani siya’y mahimong ipausab sa iyang nawong, mao kini ang parte nga  inagian sa mga bugas sa iyang nawong.

Nagpungasi ang proyekto

Sagunson gyud ang mga nadawat nga proyekto nila ni Maymay Entrata ug ni Edward Barbers karong tuiga. Kasamtangang bida karon ang duha sa Wansapanataym nga “Ikaw ang Ghosto ko”. Gani, bag-ohay lang nga gianunsyo sa ABS-CBN production unit nga Dreamscape sa Instagram nga adunay gamaon nga teleserya ang duha nga mag-ulohan og “Honey My Love So Sweet”. Kauban sab ang duha sa 2018 Metro Manila Film Festival entry sa Star Cinema nga “Fantastica: The Princess, The Prince and The Perya”,  nga pagabidahan ni Vice Ganda.