CEBU, Philippines – Gipabuhagay sa singer nga si Jed Madela pinaagi sa Twitter ang iyang kasagmuyo human matud pa gikawat sa airport ang pipila ka “pasalubong” items sa mga delegado sa World Championships of Performing Arts Philippines (WCOPA).
"Yes, we are back home! And we are happy! Except for one thing. Whoever broke into the luggages of our delegates and stole their “pasalubongs” for their families, shame on you," tweet pa sa singer .
Magsakit ang dughan ni Jed nga maghunahuna sa maong hitabo sanglit nagdaginot gyud ang mga delegado aron lang gyud makapalit og mga pasalubong alang sa ilang pamilya dinhi sa nasud.
"These kids barely have enough at tinabi nila pera nila para mabilhan ng pasalubong mga mahal nila sa buhay dito sa Pinas. Tapos nanakawin lang sa airport. Nakakahiya. I don’t know how these people can do such a heartless thing," dugang post ni Jed.
Usa si Jed sa mga coaches sa delegado sa Team Philippines sa WCOPA 2018 nga gipahigayon dili pa lang dugay didto sa Long Beach California, USA. Ang Team Philippines nakalangkat og 300 medals ug mga tropeyo sa maong kompetisyon.