Hugyaw nga Domingo mga KaBisChika! Kaning nagkaduol na ang ber months kay ang dagan sa panahon nigara usab. Mao nga sa atong mga KaBisChika all over the world… amping kamo sa kanunay! Mao nga karung adlawa ipadaplin usa nato ang mga problema sa atong siyudad nga mura’g halos kada adlaw dunay bang, bang, bang, left and right! Kanang makalingaw usa ang basaha ug makakutaw ug mogitik sa inyong mga utok! Kay ang atong mga Kinsa Siya Insider very active man karun sa social events mao nga ang radar sa inyong Mother Butanding kay 100% maminaw ug makadawat sa mga showbiz chika bisag mga local chika pasok sa banga. Mao nga karung Domingoha it’s a double treat para sa Kinsa Siyaaaa????
Kinsa Siya???? na Hugyaw ko sa akong nabasahan sa social media mahitungod sa usa local manager o handler kay ang iyang mga talents hinayhinay na nga nibiya niya. Meaning nibalhin na sa laing agency kay ang maong local handler walay olark (klaro). Ang reklamo sa local talent kay ang iyang talent fee hangtud karun wala pa nahatag sa iyang handler. Ang ending si local talent kay best in hawa na dayun sa agency sa handler. Sigon pa sa atong Kinsa Siya Insider kining handler kay medyo baga ni og face. Hahahahhaha! Kusog kuno kini mangayo og pabor o sponsor unya ang ending kay dili ma-deliver ang iyang gihatag sa iyang gipangayuan. Parehas sa iyang gikuha nga mo-judge sa iyang event unya si handler kay best in OPM sa judges nga sa dili pa magsugod ang kalingawan mag-beauty rest usa kini sa usa ka hotel, in short kay NO TF / Hotel room. Sa dihang naabot na ang mga judges ug moadto na sa hotel room na shock na lang sila nga naa man diay gagamit sa maong room. Ang nigamit kay ang iyang mga talents nga nagpahuway pud. Naloka ang mga judges kay ang gusto sa handler mo-join nalang daw sa iyang mga talents sa kwarto so ang ending mura’g sardinas sa usa ka room. Ang gibuhat sa judges (kay duha baya ni sila kabook daw ) best in walk out!
Mao nga dili naka mahibulong nganong ang iyang mga talents mo-goodbye sa handler! Mao nga karun si handler search ng search og mga talents para naa siya’y mga bag-ong ma-discover. Unya kay naintriga man ko kay kini laging chismosa, akong gi check ang iyang fb account. OMG! Kaila ko unya ako sad dili ko ganahan sa maong handler kay maayo lang sa sulti pero walay palabra de honor! Kon mag-cross ang among dalan hi and hello ang among drama! Kahibalo na ko nganong panagsa na lang kayo mo text o chat ang maong handler kay kahibalo man siya unsa ang akong tubag niya…. hahahahhahaha! Kinsa siya nga handler?Chakaaaa! Hahhahahahaha!
Sa laing bahin, dili ni Chaka pero very beautiful Kinsa Siya??? Ang atong Kinsa Siya Insider abtik kaayo na ka text sa inyong Yur’s truly mahitungod kuno sa usa ka local beauty queen nga nag-photo shoot para sa usa ka brand. Ang nahitabo kay very beautiful kaayo ang mga photos nga nigawas apan nakabantay ang Kinsa Siya Insider sa photo sa local beauty queen. Unsa Kini? Ang local beauty queen nagpa-enhance man sa iyang ilong mao nga kon taas lang ang hisgutan ni taas gyud kini ug bagay kaayo sa nawong sa local beauty queen ang iyang new ilong. Pero sa photos nga nakit-an sa atong KinsaSiya Insider mura kuno og nawala ang kataas sa ilong niini. Unsa man pagka hitaboa? Kini kunong local beauty queen kay active sa sports adunay possibilities nga naigo kini sa usa ka butang mao nga na ing-ana ang ilong sa local beauty queen. Kinsa Siya??? Bisag unsaon gwapa man gihapon si beauty queen!
Sa laing bahin, manawagan ko sa akong mga batch mates sa Ramon Duterte Memorial National High School Batch ’94 nga aduna kita’y panagtapok karung December 1 para sa atong Christmas Party. Manghinaut ko nga katong mga naa dire sa Cebu o Pilipinas kay makatambong. Mag-meeting na usab kita para sa atong umaabot nga Silver Reunion 2019, magtinabangay kita kay dili ana kasayon ang mag-organize kinahanglan magkahiusa kitang tanan. Para sa dugang detalye e-like ang page sa RDMNHS ’94 o di ba kaha like my facebook account Yuri Richards! See you all sa chat group. Join na kay makalingaw. Hahahhaha!