Lee Dong Wook ug Suzy nagbuwag
CEBU, Philippines — Kumpirmadong nagbuwag ang sikat nga Korean stars nga sila si Lee Dong Wook ug Suzy human sa pipila ka buwan nga pagpakita sa ilang ka-sweet sa usa'g-usa.
Mao kini ang gibutyag sa JYP Entertainment nga namantala sa showbiz website nga www.soompi.com.
Suma pa sa duha ka kampo nga busy lang gyud ang duha apan gipabilin gihapon nila ang ilang panaghigalaay.
“It’s true that Lee Dong Wook and Suzy have broken up. They naturally grew apart as they became busier,” suma sa ilang statement.
Nisikat si Lee dinhi sa Pilipinas tungod sa seryeng “Goblin.” Nalakip usab siya kaniadto sa “My Girl,” “Scent of a Woman,” “Hotel King,” ug “Guardian: The Lonely and Great God.”
Samtang si Suzy, nahimong ilado tungod sa girl group nga Miss A.
- Latest
