Dennis Roldan forever na sa kulungan!

Ruffa at John Lloyd sabay ang celebration

SEEN: Napahalakhak ang mga host ng Eat Bulaga dahil sa sinabi kahapon ni Baeby Baste na palaging delayed ang flight ng Philippine Airlines nang tanungin siya ni Vic Sotto tungkol sa tuna na ibibigay niya at manggaga­ling sa General Santos City.

SCENE: Nagkalat si Darren Espanto sa It’s Showtime dahil hirap na hirap siya sa pagkanta sa song number nila ni Jed Madela. Kinapos ang boses ni Darren at may sakit siya ang excuse ng kampo niya.

SEEN: Pinagtibay ng Court of Appeals na guilty ang aktor na si Dennis Roldan sa kidnapping case na dahilan ng life imprisonment niya. Nawala ang pag-asa ni Dennis na makakalaya siya mula sa New Bilibid Prisons sa Muntinlupa.

SCENE: Duguan at sugatan si Anne Curtis sa poster ng Buy Bust, ang hardcore action movie niya na mapapanood sa mga sinehan sa August 1. Unang ipalalabas ang Buy Bust sa New York Asian Film Festival sa June 29.

SEEN: Ipinagdiriwang ngayon ni Ruffa Gutierrez ang 44th birthday niya. Ngayon din ang 35th birthday ni John Lloyd Cruz, ang ex-boyfriend ni Ruffa.

SCENE: May sariling beauty pageant ang Ormoc City na pinamumunuan ni Mayor Richard Gomez. Ang mananalo na Miss Ormoc 2018 ang isasali ng Ormoc sa Miss World Philippines 2018.

SEEN: My Greatest Moments ang title ng major concert ni Erik Santos sa Mall of Asia Arena sa September 22, 2018. Ngayong 2018 ang 14th anniversary ni Erik bilang entertainer.

SCENE: Iniimbitahan si James Reid para haranahin sa June 30 ang mga grand finalist ng Miss Q & A, ang gay beauty contest ng It’s Showtime.