Cai at Archie magkaka-inlaban
MANILA, Philippines — Ngayong Linggo (Hunyo 24), isa na namang nakatutuwa at kakaibang kuwentuwaan ang hatid sa Kapuso viewers ng high-rating comedy anthology ng GMA, ang Dear Uge, na pagbibidahan nina Cai Cortez at Archie Alemania.
Sa episode na pinamagatang I Hate U, I Love U!, gagampanan ni Cai ang karakter ni Love na galit sa idea ng romantic love kaya ipinangako niya sa sarili niya na hinding-hindi siya magkakaroon ng boyfriend. Pero, mag-iiba ang pananaw niya ng makilala niya ang kanyang co-teacher na si Ted (Archie).
Humingi ng tulong si Ted kay Love dahil gusto nitong ligawan ang best friend ni Love na si Princess (Lovely Abella). Noong una ay ayaw pa maging kupido ni Love para sa katrabaho at kaibigan niya ngunit kalaunan ay pumayag din siya.
Ang hindi namamalayan ni Love, siya na pala ang nahuhulog kay Ted. Ano na ang gagawin niya?
Hosted by Eugene Domingo, subaybayan ang kuwentuwaang ito sa nag-iisa at nangungunang comedy anthology sa bansa, ang Dear Uge ngayong Linggo pagkatapos ng Sunday Pinasaya sa GMA.
- Latest
