Nagpasalamat si Megan Young sa suking viewers sa seryeng The Stepdaughters gumikan sa mga positibong feedback nga iyang nadawat kalabot sa iyang pag-arte.
Jolo nigradwar na
Nigradwar na gyud si Cavite Vice Governor Jolo Revilla sa Lyceum of the Philippines University sa PICC sa miaging adlaw. Nahuman niya ang Bachelor of Arts-Major in Legal Studies ubos sa Expanded Tertiary Education Equivalency and Accreditation Program. Maayo ang dagan sa iyang karera sa showbiz ug politika busa dili gyud masukod ang kalipay niya karong panahona. Tulin usab ang dagan sa relasyon nila ni Jodi Sta. Maria.
Nataypan sa publiko
Nitumaw ang mga sugyot nga unta pareson og balik sila si Dingdong Dantes ug Anne Curtis sa usa ka pelikula. Nasayran nga nagmalampuson ang pelikula nila nga Sid And Aya nga naka-P142 million na human sa tulo ka semana nga pagpasalida niini.
Chinese series sa PTV4
Gikatakdang ipasalida sulod karong tuiga ang pipila ka Chinese TV series sa government station nga PTV4. Pipila niini ang sikat kaayo nga "Feather Flies to the Sky" ug "Beijing Love Story." Aduna pu’y mga documentary program ang gikatakdang ipasalida puhon sa maong network.
Todo promote
Karong September pa ipasalida ang pelikula ni Paulo Avelino nga Goyo: Ang Batang Heneral, apan wala gyu’y puas ang pag-promote sa aktor niini sukad pa sa miaging tuig. Nagmalaumon ang aktor nga masusama ang resulta niini sa pelikulang Heneral Luna nga ni-click gyud kaniadto sa moviegoers.
Jeric napungot
Wala mahimuot ang Kapuso actor nga si Jeric Gonzales sa pipila ka netizens nga nilenggua nga matud pa duna na sila’y relasyon ni Pauline Mendoza nga kauban niya sa seryeng Kambal Karibal. "Whatever it is na meron kami sana naman magkaroon ka ng respeto na maghintay na manggaling samen, tweet pa ni Jeric.
Buy Bust ipasalida sa NY
Nalakip ang pelikula ni Anne Curtis' nga "Buy Bust" sa New York Asian Film Festival. Ang maong kalihokan mosikad gikan sa June 29 hangtud sa July 15. Ang maong pelikula ubos sa Reality Entertainment ug Viva Films. Nalakip usab niini sila si Brandon Vera, Nonie Buencamino, ug Victor Neri.
Dili malikayan
Aminado si Dingdong Dantes nga dili malikayan sa usa ka artista nga makasinati og burnout gumikan sa grabeng pressure sa trabaho. “It’s something that happens. It’s something that we should not dismiss. Kailangan bantayan talaga,” suma pa sa aktor.
Barkada na
Nahimo nang barkada sa tinuod nga kinabuhi sila si Jerome Ponce, Kiko Estrada, Donny Pangilinan, ug Elmo Magalona tungod sa ilang panag-uban sa pelikulang Walwal.. “We love working with each other, so we will take this opportunity and we missed each other. We thought na we're on our last shoot na daw pero ang saya kasi magkakasama kami ulit,” suma pa ni Kiko.
Manganak sa dili madugay
Nitumaw ang hungihong nga matud pa kaanakon na si Ellen Adarna hinungdan nga nihangyo kini nga iuswag ang petsa sa hearing sa giatubang niya nga kasong child abuse. Posibleng manganak na sunod adlaw ang aktres alang sa unang liwat nila sa iyang hinigugma nga si John Lloyd Cruz.
Gipailaila sa pamilya
Nahimamat na ni Daniel Matsunaga ang pamilya sa iyang Polish girlfriend nga si Karolina Pisarek didto sa Scotland. Malipayon kaayo si Daniel gumikan kay gihangop gyud siya sa pamilya sa iyang girlfriend.