Postponed na sab
Dili na sab mahinayon ang plano sa BiGuel loveteam nga mubakasyon sa Japan nga maoy dream destination ni Bianca Umali. Gani giregalohan pa siya sa iyang ka loveteam nga si Miguel Tanfelix og trip to Japan. Apan kay extended na sab ang ilang top rating serye sa GMA7 nga ‘‘Kambal Karibal” dili lang usa sila mubakasyon kay kinahanglan pa nilang mutrabaho.
Diskontento si Julie!
Diskontento si Julie Ann San Jose sa dagan sa iyang career sa showbiz sulod sa 11 ka tuig. Apan giklaro niya nga kontento siya sa mga tawo nga nagpalibot niya kay wala gyud siya pasagdi gikan pa sa sinugdanan. Apan uhaw siya og mas mapangahason pa nga roles ug nga mas daghan pa siya og gustong buhaton aron hagiton ang iyang kaugalingon.
Janine gyud!
Ang pambato sa Visayas nga si Janine Berdin nga lumad sa Lapu-Lapu City maoy nidaog isip Tawag ng Tanghalan Season 2 Grand Champion sa It’s Showtime kagahapon. Sa Facebook daghan gyud ang nagmaya sa kadaugan ni Janine ug nga matud pa wala gyud nausik ang ilang pagboto niini gumikan kay angayan gayud ang 16-anyos nga dalagita sa iyang kadaugan.