Mao ba diay

CEBU, Philippines — Pipila kanato ang ganahan mosuway nga mobakasyon nga mag-inusara. Suma pa sa  artikulo  nga namantala sa  www.contiki.com, duna’y kaayohan nga maangkon sa  tawo nga mobakasyon nga mag-inusara.  Usa na niini ang pagbaton og mga bag-ong higala  nga nagtangag og nagkalain-laing batasan. Mosaka ang imong abilidad sa pagpangita og paagi sa nagkadaiyang sitwasyon. Sama sa lugar nga una nimong adtuon, ug gumikan sa grabe nga initiative,  maabot ra gyud ka niini sa kaugalingon nimo nga paningkamot.

Duna pud diay nagpahipi nga kaayohan sa mosulod og photography. Kon target nila nga makakuha og nindot nga hulagway, duna pud kini positibong butang nga mahatag kanila. Suma pa sa  www.photographyhero.com, mo-usbaw ang level sa  pagka-creative sa tawo nga mosulod niini.  Susama usab kini nga ehersisyo sanglit nagalihok permi ang inyong lawas.

Sa mga tawong daghan og gihuna-huna, ang pagpaminaw og instrumental music makatabang sa pagbalanse sa imong emosyon.  Suma pa sa www.wthspatriot.com, makapa-relieve kini sa stress o anxiety.  Alang usab sa mga nagtuon, makatabang usab kini sa konsentrasyon.