Nakagawas na sa tambalanan

CEBU, Philippines — Malipayong  gipahibalo  ni Angeli Pangilinan nga nakagawas na gyud sa tambalanan ang iyang bana nga si   Gary Valenciano.

Kahinumdoman  nga  usa ka semana nga naka-confine  sa tambalanan  si Gary  human gipaubos og heart surgery.

Nagpasalamat ang pamilyang Valenciano  sa   Ginoo  ug sa  mga tawo niunong kanila.

“I could only praise God for his sweet surprises. Time to go home and renew his energy. And His timing is so wonderful - he is coming home on Mother’s Day! God is good,” matud pa ni A

geli.

Dili na gyud magbalik?

Nitumaw karon ang  tsismis nga matud pa lisod na nga magbalik sila si Gerald Anderson  ug Bea Alonzo gumikan sa kabug-at sa rason sa ilang breakup.

Nagpabiling tak-om ang duha    sa rason sa ilang panagbuwag   apan  una na nga gipasalig  ni Bea nga magpabilin ang ilang panaghigalaay.

Kahinumdoman nga  nagkauyab na kaniadto sila si Bea ug Gerald    apan nagkabuwag  ug nagbalik rapud human sa pipila ka tuig. Sa miaging adlaw,  gideklarar ni Bea nga single na siya.

Nasayran nga batasan  gyud ni Gerald nga dili gyud motingog sa higayon mabuwagan og  uyab.