Angeline giaway sa popsters

CEBU, Philippines – Mihangyo  si Angeline Quinto ngadto sa fans  ni Sarah Geronimo nga gitawag og “popsters”   nga dili motuo sa nigawas nga report nga matud pa nga iyahang gikataw-an ang video ni Sarah  Geronimo  diin emosyonal kini sa iyang concert didto sa Amerika.

Nadamay sa maong isyu ang laing singer nga si  Morissette Amon nga matud pa niapil og katawa sa video ni Sarah.

"POPSTERS, Please nakikiusap ako ngayon sa inyo, ilabas niyo ang video at ipakita niyo o ipakilala man lang yung staff ng abs-cbn na nakarinig ng pag-uusap namin ni Morisette. Pati si Morisette na walang kinalaman dito kung ano ano ang sinabi niyo. Wag naman ganun. Hindi tama yan," tweet pa ni Angeline.

Matud pa ni Angeline nga nakadawat siya og mga sakit nga pulong  gikan sa pipila ka fans ni Sarah tungod sa maong isyu.

"Ngayon ko lang nabasa lahat ng messages ng Popsters. Ang taas ng tingin ko sa inyo at laki ng respeto ko sa inyong lahat. Dahil kay Sarah Geronimo, kahit anong masasamang sabihin niyo sa akin at kay Morisette, rerespetuhin ko pa rin kayo dahil nirerespeto ko si Sarah," twit pa.

Una na nga nigawas ang tsika nga matud pa dunay staff sa ABS-CBN nga nakakita nga samtang naa sa set sa ASAP, nikatawa sila sa video sa pop star.

Apan gitataw ni Angeline nga Lunes na siya nakahibalo kalabot sa video ni Sarah.

”Unang una sa lahat popsters hindi ko pa alam ang issue na yan about Sarah Geronimo, nung nag Asap ako nung Linggo, nalaman ko ang issue kay Sarah galing sa best friend ko, April 30 (Monday) so paano narinig ng staff ng abs-cbn? E nalaman ko nga Lunes pa,“dugang pa ni Angeline.