MANILA, Philippines — Isang mainit na eksena ang pinasabog nina Miguel Tanfelix bilang Diego at Marvin Agustin bilang Raymond sa Kambal, Karibal dahil nalaman na kung sino ang tunay na pumatay kay Manuel De Villa (Christopher De Leon). Sa pagdidiin ng kampo ni Raymond kay Cheska (Kyline Alcantara), may umamin at tumestigo na si Raymond talaga ang may kasalanan sa pagkamatay ng kanyang sariling ama. Kaya naman nang malaman ito ni Diego ay sinugod niya si Raymond sa kulungan at sinuntok ito. Mainit ang palitan ng mga salita, at kitang kita sa mata ni Diego ang lalim ng galit niya sa ama.
Napakahusay ng atake ni Miguel sa kanyang karakter, at sa mga shots kay Marvin, kita rin sa mga mata nito ang pagkabilib sa co-actor habang nasa eksena. Lumabas ang galing ni Miguel sa drama, at talagang damang-dama ang nag-uumapaw niyang galit. Napaka natural din ni Marvin sa pagiging isang kontrabida, at harmonious ang eksena nila dahil tama ang timpla ng bawat kilos nila rito.