Philip ayaw makisawsaw sa problema ni James!
Iisa lamang ang hinihintay ng marami kay James Yap, matapos ang mahabang litanya ni Kris Aquino na nag-ugat sa birthday post nito para sa anak na si Bimby sa kanyang Instagram account. Isa sa sinasabi ni Kris na ang kasalanan ng basketbolista sa kanyang bunso ay ang kawalan nito ng suportang pinansyal sa bagets. Nagtataka naman ang marami kung bakit kay James lamang siya nagagalit gayong wala rin namang suporta si Philip Salvador sa anak nito sa kanya na si Joshua.
“Because he never got money from us and has kept a respectful distance,” ang maagap niyang tugon.
Idinagdag pa niya na never itong nagsalita ng hindi maganda tungkol sa kanya at pinasalamatan pa ang pamilya niya na tumulong para mapalaki ng maayos ang anak niya dito. Hinihintay ngayon ng lahat ang magiging sagot ng baskebolista sa pasabog ni Kris na nangako naman na marami pa siyang magiging rebelasyon kapag nagsalita si James laban sa kanilang mag-ina. Abangan....
Eric hindi muna babalik sa HK
Hindi lamang ang pagdidirek niya ang binabalikan ngayon ni Eric Quizon kundi maging ang kanyang pag-aartista. Direktor siya ng Mother’s Day special ng Regal. Tatay naman siya ni Alden Richards sa gagawing serye ng GMA.
Marami na ang nakaka-miss sa anak ni Dolphy na naka-based sa Hong Kong pero, sa rami ng trabaho niya dito ngayon ay matatagalan pa bago siya makabalik ng HK. Maikli lamang ang role niya sa magtatapos na seryeng Hanggang Saan pero, sa katauhan niya tumakbo ang istorya.
Anna lamang na sa mga kasabayan!
Mas mapag-iiwanan pa ni Anna Luna ang mga nakasabay niyang ilunsad bilang Star Magic artist sa pagtanggap niya ng nominasyon bilang Best Actress para sa pelikula niyang Maestra mula sa 2018 Philadelphia Independent Film Festival Awards (PIFFA).
Una nang nabigyan ng nominasyon si Anna para sa Maestra sa 2017 Cinemalaya Fim Festival. Hindi nominasyon kundi isang tropeo bilang Best Actress ang tinanggap niya mula sa Five Continents International Film Festival na ginanap sa Venezuela. Nakatanggap na rin siya ng Best Supporting Actress award sa 2015 Asean International Film Festival and Awards (AIFFA) sa Malaysia para sa pelikula niyang Bendor. Inaasahan ng mga followers niya na hindi magiging dahilan ang marami niyang achievements para magkaro’n sila ng competition among Star Magic artists kundi para magsilbi itong inspirasyon para mas magpursige pa silang lahat para marating ang stardom.
- Latest
