Hindi pa mabanggit nina Michael V at Iya Villania sa presscon ng Lip Sync Battle kung sino ang guests sa pilot episode Season 3 ng show. Pero matutuwa ang viewers ng Kambal, Karibal dahil ang cast ng hit primetime drama ang maglalaban sa pagsisimula ng musical-reality competition.
Muling guests ang tag team champion na sina Miguel Tanfelix at Bianca Umali, pero iba ang ka-tandem nila. Sina Miguel at Jeric Gonzales ang magkakampi at kalaban nila sina Bianca at Kyline Alcantara.
Samantala, natanong si Michael V sa pagpasok ni Ogie Alcasid sa Home Sweetie Home at sa pag-aayos babae. Parang itinuloy daw ni Ogie ang mga ginagawa nito sa Bubble Gang na nag-aayos babae. “Hindi ‘yun maiaalis dahil 18 years siya sa Bubble Gang. Nakakatuwa, tumawag si Ogie sa akin at ibinalitang kasama na siya sa Home Sweetie Home, nagpaalam. Sabi ko, alam ko na ‘yun, gagawin ng network yun, it’s showbiz and it will always be a business,” ayon kay Michael V.
Gabbi nagulat sa pagtsugi sa kanya sa serye
Nagalit ang fans nina Gabbi Garcia at Ruru Madrid dahil pinatay ang karakter ng dalaga bilang si Lily Pelaez sa Sherlock, Jr. May mga nagbanta pang hindi na manonood ng nasabing serye.
Sa tweet at post ni Gabbi sa Twitter at Instagram (IG), parang hindi niya alam na mamamatay ang kanyang karakter. Tweet nito, “Please do know that whatever happens in the story is out of my control. But thank you for all the tweets. Love you guys tuloy ang life, more to come. Maraming Salamat guys. Nagulat tayo pare-pareho. Mahal ko kayo!!!”
Wala pang binanggit na next show ni Gabbi at on leave pa rin siya sa Sunday PinaSaya. Mami-miss siya ng fans at ni Ruru!
Janine at Rayver may chaperone sa Japan trip
Sa Tokyo, Japan nagbakasyon nitong Holy Week si Janine Gutierrez kasama ang rumored boyfriend na si Rayver Cruz. Kapansin-pansin lang na parehong hindi nagpu-post ng photos sa Japan sa kani-kanyang Instagram (IG) sina Rayver at Janine. Sa IG account ng kanilang fans makikita ang pictures nila sa Japan.
Kasama pala ni Janine sa Japan ang kapatid na si Jessica. Kahit nasa edad na, may chaperone pa rin si Janine.
Anyway, nausisa si Janine sa ginamit nitong coat na kay Pilita Corrales pala at panahon pa ng 90s nang isuot ng kanyang mamita.
Rocco proud na proud sa GF
Maganda ang ginagawa ni Rocco Nacino sa pagsama sa GF na si Melissa Gohing sa mga showbiz event at ipinakikilala sa mga katrabaho at kaibigang artista. Sa ganitong paraan, hindi siya mahihiyang lumapit o bumati sakaling may makasalubong ang GF na mga artista.
Unang isinama ni Rocco si Melissa sa cast party ng Haplos, kaya pati ang ka-love team niyang si Sanya Lopez, ay nakilala na nito. Sa birthday bloodletting charity event ni Rocco ay present din si Melissa at ang fans naman ng aktor ang nakilala niya.
Isinama rin ni Rocco si Melissa sa birthday party ni direk Mark Reyes na ginawa sa bahay nito, at naipakilala naman sa ilang kasamahan sa Encantadia.
Samantala, tampok si Rocco sa first episode for April ng Stories for the Soul entitled Private Zoo na Easter Sunday presentation. Kasama niya rito sina Crispin Pineda, Nicole Donessa, at Ping Medina. Loyalty at honesty ang tema ng episode.