Rico Yan 16 years nang wala!

Radio personality na si Gani Oro kabaliktaran ang ginagawa sa sariling programa!

Seen: Ang pagkakaroon ng make-up line na sinimulan nina Vice Ganda at Anne Curtis ang trend ngayon sa showbiz dahil may cosmetics line na rin si Nadine Lustre, ang Lustrous at balita na magbubukas din ng sariling make-up line si Heart Evangelista.

Scene: Gugunitain bukas, Holy Thursday, ng pamilya at fans ni Rico Yan ang 16th death anniversary ng aktor na sumakabilang buhay sa isang beach resort sa Palawan.Good Friday ng March 29, 2002 nang mamatay si Rico.

Seen: Ang Inday Will Always Love You ang balak ng GMA 7 na ipalit sa timeslot ng The One That Got Away kapag nagwakas na ang primetime teleserye nina Dennis Trillo, Lovi Poe, Max Collins, at Rhian Ramos.

Scene: Grateful and thankful ang newcomer na si Kelley Day ng GMA Artist Center dahil malaking break at karangalan para sa kanya ang maging cast member ng The One That Got Away.

Seen: Pinagtatawanan ang Facebook post ng radio personality na si Gani Oro na “Kapag hindi totoo ang bintang sa iyo, isumbong mo kay Oro.”

Hindi natulungan ni Gani ang mga tao na nagrereklamo dahil biktima ng panloloko ng kanyang live in partner na si Imee Santiago Oro.

Scene: Deactivated na ang Facebook account ni Imee Santiago Oro mula nang mabulgar ang kanyang mga estafa case at nang madakip at makulong siya. Palaban ang mga nagsampa ng reklamo laban kay Imee Santiago Oro na nangako na hindi sila titigil hanggang hindi napapatawan ng parusa na matagal na pagkakabilanggo ang live in partner ni Gani Oro.

Seen: Muling ipalalabas ng GMA 7 sa Maundy Thursday, Good Friday, Black Saturday, at Easter Sunday ang past episodes ng Stories for the Soul, ang monthly inspirational television program ni Senator Manny Pacquiao.

Scene:  Ang Darna throw pillows na ipinagbibili sa ABS-CBN stores at sa mga mall ang isang patunay na tuloy na tuloy ang Darna movie ng Star Cinema na tatampukan nina Liza Soberano at Iza Calzado.