“Plogging” ug “5PDH”

‘It’s called “Plogging” in Sweden. Nagkasikat na kini didto ug paingon na nga mukatap sa Estados Unidos, suma pa sa usa ka artikulo sa Washington Post sa nilabay nga semana.  Ang Plogging naggikan sa pagsumpay sa mga pulong “plocka upp” sa Sweden nga nagpasabot og “pick-up” sa English, ug sa word nga “jogging.”

Suma pa sa maong artikulo nga mao na kini sikat karon didto sa pipila ka mga nasud sa Europe ilabi na sa Scandinavia ug Germany. Ang Plogging mao ang pagpamunit og mga sagbot sama sa empty bottles, wrappers ug uban pa nga maagian diha sa dalan samtang mag-jogging. Tumong niini mao ang pag-amuma sa kalikupan samtang nagpasingot aron usab abtik ang lawas.

May mga fitness enthusiasts didto sa Europe ug Amerika ang nangangkon nga gumikan sa plogging, mas nilig-on matud pa ang ilang mga tuhod  ug mas nindot ang muscles sa ilang mga paa. Kini kay mura na sab ka og nag-squat diha sa imong paghunong ug pagpunit og sagbot.  Gani, matud pa sa Swedish-based fitness app Lifesun, ang tunga sa oras nga pag-jog inubanan sa pagpunit og mga sagbot, makatunaw og 288 calories, itandi sa 235 lang kon puros ra jogging.  Kon mag- brisk walk matud pa ka, inubanan og pagpunit og mga sagbot nga imong maagian, mutunaw kini og 120 calories.

Pwes, plogging na yan!  Hahaha. Sure ko, daghan nako’g friends nga aktibo sa running community dinhi sa Sugbo. In fact, akong suod nga amiga ug “inahan” nga si Annie Penaroya  Balaga nga marathoner sab, diretso nga niingon nga , “ I do it,” dihang akong giingnan about plogging last Friday. Niya pa, “I’m doing it for the environment. In fact, mamunit ko sa akong maagian sa oval (City Sports Complex) after sa ako training.”

Dugang pa niya, “mga galamay mi ni sir Tony Galon, founder sa 5 pcs daily habit sa Cebu.  Naay basura run every first Saturday of the month.  Just imagine kung tanan mopunit ug 5 pcs basura , pwerte tingali limpyoha.”

Sugilon pa niya, duna gyud Facebook group nga gitawag og “5 Pieces Daily Habit” diin ang mga membro niini, musalmot sa Basura Run matag unang Sabado sa bulan nga ipahigayon bisan asa nga dapit. Nahitabo na matud pa kini didto sa Baybay, City ug sa Mindanao. January 1, 2015 naumol ang 5Pdh ug July 14, 2013, nahitabo ang unang basura run. Subli kining gilusad niadtong June 26, 2016, suma pa sa founder nga si Galon.

Pwes, sure ko, mas nag-una pa ang mga Sugbuanon ining maong matang sa exercise kaysa Sweden.  Lahi lang ilang ngalan didto, lahi sab atoa diri. Apan, whatever is the ngalan of this fitness craze, ang importante is it’s being done for the environment and for yourself. Plogging na na! Pakpak!

Have a blessed Sunday, dear okRYANians!  Text me if you care: 09239681581. Kon naa moy picture nga nag-jogging ug namunit og basura at the same time, i-send sa akong FB messenger kay atong i-publish sunod Domingo. Salamat sa mga reactions sa akong maoy-maoy last Sunday. May God bless us all, always!