Nakalabas na ng hospital si Gabbi Garcia kahapon at lumipad patungong Tokyo. Hindi nito binanggit kung contract signing, TVC shoot o meeting sa mga taga-Maybelline ang ganap niya. Ang malinaw ay part na siya ng Maybelline Cosmetics at nagpadala sila ng flowers nang ma-confine si Gabbi.
May post sa Instagram (IG) si Gabbi na gamit ang isang Maybelline lipstick at sa isa pang photo, may ipinakita siyang Maybelline make-up line sa pangalan ng international model na si Gigi Hadid. Ibig sabihin nito, kahilera na si Gabbi ni Gigi sa pagiging Maybelline Girl.
Anyway, kahit naman wala sa presscon ng Sherlock Jr. ang dalaga ay nakapag-promote na siya sa show nila ni Ruru Madrid na magpa-pilot sa Monday, January 29, after 24 Oras sa direction ni Rechie del Carmen.
Kris naalala ang relong binigay kay tita Cory!
Nagpasalamat si Kris Aquino na walang fracture sa right elbow ni Bimby at soft tissue contusion lang ang nangyari nang madulas ito. Malaking bagay ang pagiging milk drinker ni Bimby, kaya nakayanan ang bad fall nito.
Samantala, pipirma bukas ng kontrata si Kris sa Ever Bilena na isa sa mga endorsement niya.
Nabanggit ni Kris na itinext niya si Herbert para ibalita ang new endorsements niya. “And I THANKED HIM-because he prayed w/ me when my 1 prayer was to just be given a chance to say goodbye properly to a career i loved passionately & for God to heal me w/ the gift of becoming OKAY again,” kuwento niya sa picture nila ni QC Mayor Bistek sa kanilang picture sa Rome.
Kahapon din ay inalala ni Kris ang birthday ng inang si former President Cory Aquino by posting a tribute. Very heartwarming ang post ni Kris at ikinuwento ang story behind the Bulgari watch na ibinigay niya sa mom nang magsimula siyang kumita ng “okay money.” Lagi raw suot ni Pres. Cory ang watch kahit noong naka-confine ito sa Makati Medical Center.
Julie Anne walang maisagot sa relasyon nila ni Benjamin
Sa 3 Stars 1 Heart concert nila nina Regine Velasquez at Christian Bautista sa Cebu, unang kinanta ni Julie Anne San Jose ang bago niyang single na Nothing Left na kasama sa ilalabas niyang album under Universal Records sa third quarter of 2018.
Sa #Julie solo concert niya sa Saturday, January 27 sa Music Museum ay isama kaya niya sa repertoire ang second single sa album niya? Tagalog song ito na sarili niyang composition na bawal pang banggitin ang title.
Songs tungkol sa relationship ang repertoire ni Julie Anne sa concert directed by Marvin Calida.
Killjoy lang si Julie Anne dahil hindi sinagot ang tanong namin kung nasaang stage na sila ni Benjamin Alves na matagal na rin niyang BF.
Ken napag-iwanan ng mga kasama sa MTB
Si Jak Roberto ang last guest sa pagtatapos ng Super Ma’am this Friday at gagampapan ang karakter ni Sid, ang huling girero at tutulong kay Super Ma’am (Marian Rivera) na labanan ang mga Tamawo.
Ang costume ni Jak ay kapareho ng costume nina Ivan Dorschner at Jeric Gonzales nang mag-guest ang tatlo.
Natupad ang nabanggit ni direk LA Madridejos na mag-guest ang cast ng Meant To Be, na siya rin ang director, sa Super Ma’am. Nakapag-guest na sina Ivan, Barbie Forteza, Addy Raj at Jak at si Ken Chan lang ang hindi nakapag-guest, bakit kaya?