John Lloyd tatapusin na ang pamamahinga sa piling ni Ellen?!

MANILA, Philippines — Malapit na bang bumalik si John Lloyd Cruz?

Ipina-press release na siya ng Star Magic, ang talent arm ng ABS-CBN na nagha-handle ng career niya.

Best Supporting Actor nominee kasi ang controversial actor sa 15th International Cinephile Society para sa revenge drama na Ang Babaeng Humayo na idinirek ni Lav Diaz at apat na oras ang running time.

Nominated din ang pelikula para sa Best Adapted Screenplay and Best Film (not in the English language) sa nabanggit pa ring award-giving body.

Two years ago nang unang manalo ang Ang Babaeng Humayo ng top prize sa 73rd Venice International Film Festival in 2016. 

Isang transvestite ang ginampanan niyang papel sa pelikula na nagsilbing comeback movie ni Ms. Charo Santos.

Makakalaban ng aktor na kasalukuyang naka-leave of absence at hindi pa rin nagsasalita sa napapabalitang pagpapakasal at pagbubuntis ni Ellen Adarna ay ang American actors na sina Willem Dafoe famous for his character in Spiderman, Armie Hammer famous for being The Long Ranger and Michael Stuhlbarg known in the series Boardwalk Empire, as well as Dunkirk Irish actor Barry Keoghan and BPM French actor Arnaud Valois.

Malalaman ang mananalo 15th ICS Awards sa February 4.

Itinatag nung 2003, ang International Cinephile Society ay isang online group na binubuo ng halos 100 accre­dited journalists, film scholars, historians and other industry professionals na nagko-cover ng film festivals and events on five continents.

Kung si Angelica Pa­nganiban ay nasabi ang lahat ng nangyari sa kanila noon, nananatiling tikom naman sina John Lloyd at Ellen.

Julie Anne gusto ulingmaka-bonding ang mga magulang ni Benjamin

Handang-handa na si Julie Anne San Jose sa kanyang solo concert #Julie na gaganapin sa Sabado, January 27, sa Music Museum.

Follow-up ito sa matagumpay na 3 Stars, 1 Heart concert sa Cebu kasama ang Asia’s Songbird Regine Velasquez and Asia’s Romantic Balladeer Christian Bautista.

Pangako ng Asia’s Pop Sweetheart na ibang-iba naman ang gagawin niya sa Sabado kesa sa mga nauna niyang concert.

“It’s going to be an intimate celebration with the people who have been with me since the beginning. This time, mas mature ito pagdating sa song choices. I will be showing the different stages of love, at yung kung anong meron sa isang relationship. I’m excited to share a part of me with the audience dahil I can say, malaking bahagi ng puso ko ang sinama ko rito,” sabi ng Kapuso singer/actress na nakilala na ang mga magulang ng sinasabing boyfriend niyang si Benjamin Alves pero hindi pa rin sila umaamin. Though gusto raw uli niyang makasama ang mga magulang nito dahil nga nasa Guam ang mga ito.

For ticket inquiries, interested parties sa #Julie concert, you may call Music Museum at 02-7216726 or visit www.ticketworld.com.ph.