CEBU, Philippines — Gikatakdang molugwa ang boxing icon nga si Sen. Manny Pacquiao sa usa ka episode sa Korean variety show nga “Infinite Challenge.”
Sa teaser nga gipagawas sa MBC Entertainment , todo tsika si Pacman uban sa mga host sa maong show.
Makita usab ang hugyaw nga moves sa senador sa boxing ring. Nasayran nga ilado kaayo si Pacman sa nagkadaiyang dapit sa kalibutan gumikan sa daghan niya nga kadaogan sa boxing.
Top grossing films giatngan!
Nagpanikad na og maayo ang movie lovers sa listahan sa top grossing films sa Metro Manila Film Festival 2017 nga gisugdan na niadtong December 25.
Dili pa mahimong ipagawas ang listahan sa top grossing films sa MMFF 2017 aron mahatagan og kahigayonan ang katawhan nga motan-aw sa gusto nila nga pelikula ug dili magpadala sa bandwagon .
“Ah hindi pwede, you know why, the producers, Executive Committee (ExeCom) and even the theater owners vowed according to rule na wala maglalabas ng ranking, official earnings and gross because they want to help the films. Kapag nilabas mo yan, may bandwagon effect, kawawa naman (indie films),” saysay pa sa tigpamaba sa sa MMFF nga si Noel Ferrer sa dihang nahinabi ni Pinky Webb sa programa niini sa CNN Philippines.
Duna’y silot ang sayo nga pag-release sa top-grossing films.
"Even Star Cinema and ABS-CBN cannot claim na number 1 sila. From Php 20,000 na fine, it was agreed to increase to Php 200,000,” dugang pa niya.
Matud pa ni Ferrer nga ang top grossers , i-anunsyo ra inigkahuman sa festival karong January 2018.
Ang MMFF 2017 entries naglangkob sa "All of You", "Ang Panday", "Gandarrapiddo: The Revenger Squad" , "Meant To Beh”, "Deadma Walking" "Haunted Forest" ,"Ang Larawan" ug "Siargao".
Bimby mitubag na sa isyu
Nasayod si Bimby Aquino Yap nga dunay pipila ka netizens nga nikuwestiyon sa iyang sexuality.
Sa bag-ohay nga “webisodes” sa iyang inahan nga si Kris Aquino nga nag-feature sa bag-o nila nga balay, nikomento si Bimby kalabot sa maong intriga.
Sa maong video, dili sayon ang sitwasyon sa iyang mga anak ug matud pa niya, “because wherever they go, di ba, may social media, may mga issues, may mga ano...”
Dinhi nihirit si Bimby og , “Like, people think, like, I'm homosexual.”
Nilenggua dayon si Kris og, “Yeah, don't be homophobic, right?”.
Gipahimangnoan ni Kris si Bimby nga pilion ang gustong buhaton niini sa iyang kinabuhi.
“That's the whole message and whatever your choice is in life, that's your choice,” nagkanayon si Kris.
Samtang nakapangutana si Bimby sa iyang bashers nga nagkanayon, “Why would you judge a child?” .
Gipalapdan ni Kris ang mensahe sa iyang anak.
“Don't judge a child and don't make the decision for the child,” matud pa sa TV host.
Sa katapusang bahin, nihatag og dugang katin-awan si Bimby kalabot sa intriga nga iyang giatubang.
“It's because we're still learning about ourselves and puberty hasn't struck for me yet,” panapos pa ni Bimby.
Ai Ai mipasabot sa wala paglugwa ni Nicolo
Nihatag og katin-awan si Ai Ai Delas Alas kung nganong wala sa iyang kasal ang anak niya nga si Nicolo o Niki, ug wala usab kini sa ilang family photos niadtong Pasko.
“Busy po ang dahilan talagang three years bago siya umuwi ulit dahil sa citizenship niya din,” saysay pa sa komedyanteng aktres.
Dugang pa niya, “Wala intriga, talaga lang pong di makauwi ang aking poging anak. Merry Christmas to everyone.. Labyu, Niki unconditionally.”
Samtang nipadangat usab og sweet message si Nicolo ngadto kang Ai Ai .
“Gusto ko lang po ipaalam sa inyo na mahal ko po kayo at hindi ko po masasabi sa inyo kung gaano po ako ka-swerte at kung gaano po ako ka-thankful sa lahat ng efforts niyo para sa akin, at sa mga kapatid ko,” matud pa sa anak ni Ai Ai.
Nag-Pasko sa London
Gisugat nila ni Liza Soberano ug Enrique Gil ang Pasko didto sa London. Kauban usab sa duha ang ilang mga kabanay. “It may not be the traditional way of celebrating but nonetheless it is meaningful. There were many first for us and I’m happy I get to spend it with people I love dearly. Sadly my dad, stepmom and new baby sister weren’t with us for Christmas because my dad was denied of a UK visa, but they are enjoying in Paris,” suma pa sa Instagram post ni Liza.
Nikki engaged na!
Engaged na sila si Nikki Valdez ug Luis Garcia. Nahitabo ang proposal niadtong December 25 sa usa ka tindahan sa Vigan, Ilocos Sur. Nisaksi niini mao ang tagsa-tagsa nila nga pamilya.
Jessy nagpa-tattoo
Nagpa-tattoo ang aktres nga si Jessy Mendiola dapit sa iyang kamot. Usa kini ka "freehand watercolor mermaid" design. Suma pa ni Jessy nga nagpalahi na usab siya ug nalingaw siya niini.
Gisurprisa ang fans
Gisurprisa ni Coco Martin ang iyang fans nga nanuroy sa usa ka amusement park didto sa kaulohan niadtong Pasko. Nipatim-aw si Coco aron mag-promote sa pelikula niya nga Ang Panday. Kasamtangan kini nga gipasalida sa mga sinehan isip kabahin sa Metro Manila Film Festival 2017.
Mark nakagawas na
Nakagawas na sa prisohan ang aktor nga si Mark Anthony Fernandez niadtong Biyernes. Kahinumduman napriso ang aktor sa miaging tuig human kini nasakpan nga dunay karga nga marijuana ang iyang sakyanan sa Angeles City, Pampanga.
Gidayeg ni Giselle
Puros pagdayeg ang gitunol ni Giselle Sanchez ngadto sa young Kapamilya star nga si Maymay Entrata. Suma pa ni Giselle nga nakita niya kang Maymay ang pagka-mapaubsanon niini nga angayan sundon sa mga kabatan-onan.
Kever sa showbiz
Gitataw ni Paulo Avelino nga walay plano nga mosulod sa showbiz ang iyang uyab nga modelo nga si Jodie Elizabeth Tarasek . Suma pa ni Paulo nga nag-enjoy ra si Jodie sa kasamtangan niini nga istado.
Pasiuna
Mapasalamaton sila si McCoy de Leon ug Elisse Joson sa pelikula ni Coco Martin nga Ang Panday. Suma pa sa duha nga “patikim” pa lang ang gihatag nila nga kilig ngadto sa moviegoers ug gipasalig sa duha nga mas bug-at pa nga role ang madawat nila puhon sa ilang upcoming projects.
Mitikang sa Jerusalem
Nibakasyon ang magtiayong Yeng Constantino ug Yan Asuncion sa Israel dili pa lang dugay. Gibisita sa duha ang Jerusalem ug Tel Aviv. Mahiligon si Yen sa pagbakasyon og laing nasud.
Balik pagka-single
Nagbuwag na sila si Kris Lawrence ug ang iyang non-showzbiz girlfriend. Nakaingon si Kris nga wala siya’y suwerte sa lovelife karong tuiga busa mo-focus lang una siya sa iyang trabaho. Matud pa sa singer nga 10 ka tuig ang ilang age gap ug mao kini ang iyang napanglantawan nga wala magdugay ang ilang relasyon.
Pakpak alang kang Rachelle
Nakamugna og makasaysayanon nga performance ang Filipina theater actress ug singer nga si Rachelle Ann Go sa musical nga "Hamilton" nga nibukas niadtong December 21 sa Victoria Palace Theatre sa London.
Nidala siya isip Eliza Schuyler Hamilton, ang kapikas sa founding father sa Amerika nga si Alexander Hamilton.
Pipila ka viewers ang nipadangat sa ilang pagdayeg ngadto kang Rachelle Ann ilabi na sa mga Pinoy nga nitan-aw sa maong show,
Ang Broadway World ni-post usab og video sa usa sa mga kanta sa maong musical, ang "The Schuyler Sisters" nga giawit nila ni Rachelle Ann, Rachel John, ug sa laing Filipina theater actress nga si Christine Allado. (BANAT NEWS)