Spotlight: Alcantara’s Krystal

Krystal  Vine Lunzaga

Nickname            Vine

Age        19

Date of Birth      March 22, 1998

Nationality          Filipino

Favorite song     Last Song

Favorite movies                Nicholas Sparks movies

Celebrity Crush none

School   University of San Carlos Downtown Campus

Course  BSBA- HRDM4

Height   5'5

Motto   Never let any person ruin your dreams

Maghisgot na  gani og Cebu, mosantop na gyud sa katawhan nga usa kini ka  lugar nga malinawon  ug naputos kini sa mga tawo nga maabi-abihon.

Usa sa mga lugar sa Cebu nga naghupot sa maong hiyas mao ang munisipyo sa Alcantara.

Kasamtangang gi-promote sa 19 anyos nga si  Krystal  Vine Lunzaga ang kahugyaw sa Alcantara  nga tinubdan sa mga lagutmon ug uban pa.

Si Krystal ang naghupot sa titulong Bb. Alcantara 2017.  Mahiligon  usab  siya’g modeling busa dili na bag-o kaniya ang pagrampa sa entablado.

Mahiligon gyud siya sa indigay, busa target gyud niya puhon nga mosalmot pa og dugang pageants basta makaya lang gyud sa iyang oras.

         Pipila sa iyang mga titulo  naglangkob sa  Miss Balud 2016, Miss Siaton Fiesta Queen 2017 1st runner up, Miss Extravaganza 2016 , Miss Silka  2014 Top 8 finalist  ug Miss Lipata 2015

QandA

Banat News Hugyaw(BNH): Unsa nga preparations nga imong buhaton kon moapil ka og mga indigay?

Krystal:   Dili gyud nako kalimtan ang disiplina sa kaugalingon, diet, exercise and cat walk training.

BNH:  Kanus-a ka nagsugod sa pag apil apil og pageant?

Krystal: Niadtong 1st year college ko, diha nako nagsugod apil-apil og pageant.

BNH: Unsay makapasuko nimo?

Krystal: Kanang mga tao nga wala’y klaro kasabot. Mga tao nga dili tumanon akong gusto.

BNH: Your goals ug dreams.

Krystal:  Ganahan gyud ko nga mahimong businesswoman.

BNH: Unsa ang imong baruganan kabahin sa Reproductive Health Law?

Krystal: Naa man jud na’y positive ug negative side sa tanang butang. Sa kini nga issue, maayo kini para sa mga kabatan-onan pero bag-o mani nga law mao nang it is a total shock for us specially to our church.

BNH: Kon makahupot ka og dakong kantidad sa salapi unsaon nimo kini?

Krystal: Gusto ko maghimo og negosyo, para sa kana nga pamaagi mas makatabang ko’s daghang tao kay mas moprogresibo atong ekonomiya.

BNH: Unsa ka importante ang edukasyon alang kanimo?

Krystal:  Grabe kaayo na nga ka importante ang edukasyon kay matod pa sa akong mama, mao ranay butang nga dili makuha sa ubang tao. Mao usab kana ang dalan aron matuman ang atong mga pangandoy.

BNH:  Your good qualities as a person.

Krystal: Friendly, easy to approach and optimistic.

BNH:  Aduna na ba’y panahon nga nawad-an ka’g interest sa pag-apil og mga pageant?

Krystal: Kadaghan, tungod  kay ma- discourage ko usahay  basta straight ko mapildi.

BNH:   Alang kanimo, unsa ang imong best asset?

Krystal: Akong attitude.

Trio Pa-HUGYAW Questions

BNH: Do you drink alcohol or smoke cigarette?

Krystal: Dili modawat akong lawas og alcohol, occasionally lang siguro.

BNH: Naa ka’y  uyab karon?

Krystal: NBSB ko.

BNH: When was the last time you cried? Why?

Krystal: Karon lang kay na-touch ko sa usa ka tao. (BANAT NEWS)