Anne ug Erwan nanumpa na!

CEBU, Philippines — Human sa usa ka tuig nga engaged, hingpit na gyud nga nahimong magtiayon sila si  Anne Curtis ug Erwan Heussaff  niadtong Sabado.

Gipahigayon ang outdoor garden wedding didto sa Southland, New Zealand kagahapon  sa buntag  kung diin gitambongan kini sa mga suod nga higala ug pamilya sa celebrity couple.

Ginadili ang pagkuha og hulagway atol sa seremonya, gawas sa official wedding photographer nila nga si Pat Dy.

Nag-ala dyosa ang It's Showtime host nga si Anne sa gisul-ob nga gown niini nga gidesenyo ni Monique Lhuillier samtang nilutaw og samot ang kaguwapo ni  Erwan sa suit niini nga gidesenyo sa sikat nga  personalidad sa Paris nga ginganlan og  Mario.

Kahinumdoman nga nag-propose si Erwan ngadto ni Anne niadtong Nobiyembre 2 sa  miaging tuig didto sa Washington, Connecticut. Manag-uyab ang duha sukad pa niadtong tuig 2010.