Pia balik-Eat Bulaga na; Mga nagpapaiyak kay Alden‘di makapaniwalang sumikat siya
SEEN: Bumalik na kahapon si Pia Guanio bilang co-host ng Eat Bulaga. Limang buwan na hindi napanood si Pia sa Eat Bulaga dahil isinilang niya ang kanyang second daughter noong May 2017.
SCENE: Ang special screening kagabi ng 12 sa UP Cine Adarna. Lead stars sina Alessandra de Rossi at Ivan Padilla ng pelikula na ipalalabas sa mga sinehan sa November 8.
SEEN: Ang surprise birthday party kay Coco Martin ng stars and staff ng Ang Probinsyano noong Linggo sa District 8, ang Greenhills restaurant na pag-aari nina Vice Ganda at Daniel Padilla. Bukas, November 1, ang kaarawan ni Coco.
SCENE: Bukas din ang mga kaarawan nina Sharmaine Arnaiz at Andre Paras. Turning 43 years old si Sharmaine at 22 years old si Andre.
SEEN: Ngayon, October 31, ang 24th birthday ni Nadine Lustre. Sa unang pagkakataon, gugunitain ni Nadine ang kaarawan na wala ang kanyang kapatid na si Isaiah na kinitil ang sariling buhay noong October 11, 2017.
SCENE: Maliit ang mundo na ginagalawan ni Cogie Domingo dahil ang kanyang asawa na si Ria Sacasas ang ina ng anak na babae ni Congressman Ronald Singson, ang anak ni former Ilocos Governor Chavit Singson. Kasama ni Cogie si Ria nang dakpin siya ng PDEA Region IV-A agents noong Biyernes.
SEEN: Noong 2009, inakusahan ni Chavit Singson si Cogie Domingo ng pakikipagrelasyon sa kanyang ex-live in partner na si Rachel “Che” Tiongson. Sa panayam ng ABS-CBN noong 2009, sinabi ni Singson na hindi na niya hinabol si Cogie dahil nagtago na ito sa Amerika.
SCENE: Ang story conference kahapon ng bagong primetime teleserye ng GMA 7 na pagbibidahan nina Jean Garcia, Carmina Villarroel, Gloria Romero, Miguel Tanfelix, Bianca Umali, at Alfred Vargas.
SEEN: Ang Batch 2009 high school reunion ni Alden Richards at ng kanyang mga kaklase noong Linggo. Hindi makapaniwala ang schoolmate ni Alden na sikat na sikat na artista na ang kaklase na pinaiyak niya noon.