CEBU, Philippines - Nalingaw sa pagbakasyon sa Japan sila si Liza Soberano ug Enrique Gil.
Gibisita nila ang Fushimi Inari Shrine ug wala nila sipyata ang pagsul-ob og traditional costumes ug gitilawan ang nagkadaiyang Japanese foods.
Show ni Kris giluto na?
Nitumaw na pud ang report nga duna’y umaabot nga show si Kris Aquino sa GMA-7.
Giingong nakigtigom na ang TV host sa mga kadagkoan sa maong network sa miaging adlaw. Duna’y mga nagduda nga posibleng talk show ang umaabot niya proyekto.
Kever sa tsismis
Gikataw-an lang ni Toni Gonzaga ang tsismis nga nag-link sa pangalan sa iyang bana nga si Paul Soriano ngadto sa aktres nga si Erich Gonzales.
Suma pa ni Toni nga nagdahom na siya daan sa maong tsismis busa wala na siya nakalitan niini. Si Paul maoy direktor sa pelikula ni Erich nga gi-shoot didto sa Siargao.
“Meant To Beh”
Nakapili na og final title ang OctoArts Films, M-Zet Productions, ug APT Entertainment sa umaabot nga pelikula nila ni Vic Sotto ug Dawn Zulueta.
Nag-ulohan kini og “Meant To Beh” nga usa sa mga entry sa 2017 Metro Manila Film Festival (MMFF).
Unang nagpares sila si Vic ug Dawn sa weekly fantasy-sitcom nga Okay Ka, Fairy Ko niadtong 1997 .
Golden anniversary
Isip pagsaulog sa iyang 50th anniversary sa music industry, aduna ‘y bag-ong album ang beteranong singer nga si Jose Mari Chan. Nag-ulohan kini og The Manhattan Connection Part 2. Sequel kini sa iyang album nga gi-release niadtong 2011. Si Jose maoy nagpasikat sa awit nga Beautiful Girl.
Friends gihapon
Gitataw ni Bela Padilla nga magtagad gihapon sila sa iyang ex-boyfriend nga si Neil Arce. Matud pa ni Bela nga hagbay ra siya naka-move on sa ilang panagbuwag. Suportado usab niya si Neil sa giingong relasyon niini ngadto kang Angel Locsin.
Target ni Antoinette
Gipangandoy ni Antoinette Taus nga makauban niya og balik sa proyekto ang mga kaubanan niya kaniadto sa pelikulang “Patayin Sa Sindak Si Barbara” nga sila si Lorna Tolentino ug Dawn Zulueta .
Suma pa ni Antoinette nga dili gyud siya kalimot sa maayong pagdumala ni Direk Chito Roño sa maong pelikula.
ToMiho pasok sa La Luna Sangre
Human nagbuwag niadtong Abril, mosulod sa La Luna Sangre ang kanhi mag-uyab nga sila si Tommy Esguerra ug Miho Nishida. Gitataw sa duha nga komportable ra sila sa usa’g-usa sa taping bisan pa man nga duna sila’y kagahapon.
Gigastohan sa fans
Dili gyud mabangbang ang fans sa "Pinoy Big Brother" housemates nga sila si Maymay Entrata ug Edward Barber gumikan kay nag-organize gyud sila og party alang sa ilang idolo isip pagsaulog sa ilang unang anibersaryo sa pagsulod nila sa Balay ni Kuya.
Malipayon sila si Maymay ug Edward sa init nga suporta sa ilang fans ngadto sa ilang tandem.
Kathryn gidayeg
Nakadayeg kang Kathryn Bernardo ang La Luna Sangre stunts directors nga sila si Wang Yang Bin ug Lester Pimentel gumikan kay dali ra kaayo makatimaan ang aktres sa buhaton niini. Usa kini sa rason nga natural kaayo ang fight scenes ni Kathryn sa La Luna Sangre.
Lalis sa basketball game JC ug Daniel nagtingog dayon
Nangayo og pasaylo si JC de Vera ngadto kang Daniel Padilla human siya nadala sa emosyon sa gihimong Star Magic All Star Game sa Araneta Coliseum niadtong Domingo, August 13.
Nagkontra sa basketball game ang Red Team nga gipangulohan ni Daniel ug Blue Team nga gipangulohan usab ni Gerald Anderson. Sakop si JC sa grupo ni Gerald.
Sa usa ka bahin sa maong duwa, giilogan nila ni Daniel ug JC ang bola diin aksidenteng natukmod ni JC si Daniel nga nadagma sa salog. “Congratulations to everyone. Nadala kame lahat sa emotions.humingi na rin ako ng pasensya.Sorry Bro @iamdanielpadilla. Good game sa lahat,” suma pa sa Instagram post ni JC.
Gibutyag usab sa aktor nga kaduha gyud ka higayon nga nangayo siya og pasaylo kang Daniel sa personal.
"First time ko maglaro. Wala ako last time.Hindi ko in-expect na ganun pala sila ka-intense.
Pati ako nadala sa emotions.Nag-sorry ako. Sabi ko, 'Sorry, Bro, tumaas lang emotions ko.'
After the game, nag-sorry ulit ako.Sabi ko, ‘Pasensiya na, hindi ko alam na ganito ka-intense,” saysay pa ni JC ngadto sa ABS-CBN News.
Samtang gibutyag ni Daniel nga okay na sila ni JC ug nangayo pud siya og dispensa niini gumikan kay nainit pud siya sa nahisgotang sitwasyon.
“Ako din nag-sorry ako, kasi uminit din ako.Siyempre gusto niyo lahat manalo, so hindi mawawala yung competitiveness ng lahat.Pero okay lang kami, no problem,” matud pa ni Daniel.
Nakadaog ang grupo ni Gerald sa score nga 93-90.
Anak ni Randy namatay
Mipanaw niadtong Domingo ang anak nila ni Randy Santiago ug Marilou Coronel nga si Ryan Leonardo sa edad nga 24.
Ang igsuon ni Randy nga si Reily Santiago nisaysay ngadto sa ABS-CBN News nga naghambin si Ryan og brain disease ug multiple sclerosis.
Kahinumdoman nga niadtong 2015, nalandig pud sa tambalanan si Ryan gumikan sa "fungal virus."
Ikaw na gyud Ellen!
Nahimamat gyud ni Ellen Adarna sa personal ang sikat nga American rapper nga si Big Sean atol sa pagtikang niya sa Bali, Indonesia dili pa lang dugay uban sa iyang bestfriend nga si Doreen Ting.
Nag-trending ang hulagway ni Ellen sa social media kung diin katupad niya ang "Bounce Back" singer.
Kuha kini sa backstage sa Sunny Side Up Tropical Fest kung diin usa si Big Sean sa mo-perform.
Iya usab nga nahimamat sa personal ang sikat kaayo nga sakop sa Big Bang nga si SeungRi. (BANAT NEWS)