Sanden: Hello mga Kabanatanay, maayong adlaw ug welcome sa laing hugna sa atong panagkukabildo. Hello Tita Yurs ug sa akong higala nga sige’g larga ug hampaslupa nga feeling guwapa nga si Jaypee. Nagpuyo gyud ang mga tawong mahiligon og pageant niadtong Domingo sa gabii gumikan kay nakatutok gyud sa Binibining Pilipinas 2017 grand coronation night. Nigawas nga mga mananog mao sila si Binibini No. 19 Rachel Peters (Miss Universe-Philippines) Binibini No. 15 Maria Angelica de Leon ( Bb. Pilipinas-International).
Yuri: Maayong Tuesday mga Kabanatanay, akong mga beshie beshie nga sila Jaypee ug Sanden, how are you?. Minsan sa buhay kung bakla nakaapil pud ko’g beauty contest mao nang tawag nila nga Miss Gay. Mao nga relate much ko sa mga candidate kay feeling beauty queen man ko, hahahahaha ug happy ra ko sa resulta. Mao nga kita mo-support gyud to the highest. Mao kini ang ubang winners sa Bibining Pilipinas 2017, Chanel Olive Thomas (Bb. Pilipinas-Supranational) Elizabeth Clenci (Bb. Pilipinas-Grand International) , Katarina Rodriguez (Bb. Pilipinas Intercontinental) ug Nelda Ibe (Bb. Pilipinas Globe).
Jaypee: Olah everyone, Happy Day! Nahitabo na sab gyud ang happiest day alang sa mga yhads sanglit niadtong nakalabay'ng gabii laing beauty queen na usab ang gipangkoronahan.Human sa kadaugan sa British-Filipina nga si Rachel nabahin sab ang baruganan sa kadaghanan sanglit daghan sab ang nagpanikad nga maangkon gyud ni Maria Angelica ang maong korona. Matud pa sa uban nga nabalik na hinuon kaniadto ang trend sa Binibining Pilipinas nga mga mestisa maoy molugwa nga mga mananaug . Nasayran nga nagbuwabuwa gyud sa pag-english si Peters, hinuon sa Q and A pohon sa Miss Universe, wala na ta’y angayan pang problemahon kay confident gyud kaayo siya, subay sa iyang napakita nato. Apan ang gikakulbaan sa kadaghanan kun mapansin ba kaha kini sa entablado sa Miss Universe pohon nga mo-blend ra ang iyang beauty sa ubang mga kandidata kay pwerteng mestisaha. Agay!
Sanden: Hi Tita Yors, okay ra kaayo ko, pabiling nag-enjoy sa pagka-single. Kanus-a pa kaha maabot si Mr. Right? Hahaha. Dugang winners sa Bb. Pilipinas mao sila Charmaine Elima (1st runner-up) ug Kristel Guelos (second runner-up). Mga kahigalaan, ania diay ang resulta sa special awards. Best in Swimsuit (Rachel Peters), Best in Long Gown (Maria Angelica de Leon), Best in National Costume (Chanel Olive Thomas), Miss Photogenic: (Rachel Peters) Face of Binibini: (Rachel Peters), Miss Talent (Dane Marasigan) ,Miss Friendship (Chanel Olive Thomas), ug Binibining Cream Silk (Maria Angelica de Leon). Ganahan rapud ko sa performance nila ni kanhi Miss Universe Pia Wurtzbach ug Xian Lim nga maoy mga host sa maong pageant. Hi Jaypee, duna pud na'y ikabuga si Tiya Rachel uy, busa dili na angayan ipangutana kun duna ba siya'y ikapakita sa Miss Universe.
Yuri: Ang akoa lang gyud mga beshie beshie kay nganong ang makadaug dili man gyud pure Filipina, kasagaran kay half murag half half hahaha! Di ba a true Filipina kay brown skin color? Unya kasagaran pud kay retokada na, gikan sa atubangan ug likod. Is that the essence of being a beauty queen? Wala pa gyud koy nakit-an nga parehas unta og peg nilang Gloria Diaz nga dili mestiza apan gwapa. Kasagaran kay ala beshie Jaypee na og beauty nga dili na natural. Dili man ta si Madam Araneta o usa sa mga judges unya lahi ta og version, unsa gyud ang beauty queen? What is important confident kita sa atong ipadala, may laban!
Jaypee: Agay, ang sakit ninyong magsalita Beshie Yuri ug hampaslupa Sanden. Pero feel nako no, mahatagan gyud og hustisya ni De Leon ang back- to-back win sa Miss International Crown. Sa side ni Rachel, sayod ko nga may ikabuga gyud siya apan sa beauty niya, mura’g kuwang pa gyud kay nahisusama ra siya sa mga mestisa nga komon na sa mga kandidata sa Miss Universe. Pero malaumon lang gyud gihapon ko nga malangkat na sab sa Pilipinas ang korona sa kadaugan. Si Maxine Medina, napa-believe gyud ko niya niadtong gabhiona kay ni-shine gyud siya’g maayo. Grabe ka gwapa. Si Pia gilamoy og maayo ni Xian Lim uy, she's an amazing beauty queen but not a great host. Need siya mosalang sa mga nagkadaiyang workshops for hosting. But talking about Venus Raj, it was indeed her night. Heavy ang iyang pag-shine gahapon, Great host indeed.
Sanden: Negative ra sad kaayo ka Jaypee, mura sad ka’g guwapa, kun kinsa man gani ang representante sa Pilipinas alang sa pipila ka indigay sa laing nasud, ato gyud nang suportahan. Sige, uy, dili nako mohatag og daghan pa nga komento, kay mag-prepare na ta sa atong pagbiyahe sa Sta. Fe, ang kaharian ni Jaypee, happy birthday beshie!
Jaypee: Pak boak, laban Sanden! Yes mu-support man gyud ko perme ba. Nipabuhagay lang ko sa akong sentiment. Talking about birthday, salamat kaayo beshie Sanden, beshie Yuri ug sa atong editor sa Banat News Hugyaw nga si Ryan Mark sa dakong oportunidad nga makatrabaho ko sa Banat, uban ninyong tanan lakip sad silang Preciosa Bacalso ug Nash Dungog. Indeed, it is a happy birthday for me.
Yuri: Sa dili pa nako tapuson ang atong isyu karun, ako gyud i-greet ug happy birthday si Beshie Jaypee. Parang kailan lang nga nagkuyog-kuyog lang ka ni Shopanism Carla, karun isa kanang Kabanatanay and a Skin Care Specialist! Charoottt! We wish you all the best in life. You have a special place in my heart. Thank you for the friendship. Balik sa isyu, ang wala nako ganahi kay ang pagkanta ni Daniel Padilla, it should be a singer gyud o gikuyugan siya og lain. Wala ko kauyon! Hahahahahaa. Unya igbasa sa mga host sa teleprompter, mura’g taas ra kaayo, imong mahibaw-an pinaagi sa ilang mga mata. But over all, okey lang ang BBP 2017, congratulations to all winners.
Alang sa inyong mga reaksyon, mahimo ninyo kini nga ipadangat sa “Banatanay Text Line ” pinaagi sa 0942-359-8803. Butangi palihug og ngalan ug address.