I’m sure matutuwa ang Burger King sa pagkakakuha nila kay Billy Crawford bilang celebrity endorser. Kahit kasi marami ang nagsasabi na hindi healthy ang pagkaing pinalalaganap niya ay palagi siyang may handang kasagutan sa mga hindi magandang sinasabi sa produkto niya, tulad ng gawa ito sa tunay na karneng baka at maraming keso kaya pampalusog din. Katulad ng pag-inom, ang pagkain ay dapat gawing moderately.
Wala pang date ang pagpapakasal nila ni Coleen Garcia, pero sinabi niyang pinaghahandaan na nilang dalawa ito. Hindi sila mag-aanak agad at lalong hindi nila iiwan ang showbiz. Hindi marahil maaapektuhan si Billy dahil magaling din itong host, pero si Coleen maipagpapatuloy pa ba ang pagiging sexy actress?
Pia walang makitang rason para kalasan si Marlon
Hindi naman talaga dapat magkaroon ng pagbabago sa relasyon ni ex-Miss Universe Pia Wurtzbach at car racer na si Marlon Stockinger kahit totoo pa na ama ito ng kambal na isinilang ng isang model. Ang importante, ay wala pa itong asawa. ‘Yun lamang ang makakaapekto sa relasyon nila, pero hindi ang pagiging ama nito sa dalawang bata, ‘Yun lang!
Orlando Sol 8 taon ang hinintay
Luha ng kagalakan ang dumaloy mula sa mga mata ng miyembro ng Masculados at first time makapag-recordimg na si Orlando Sol. Biruin mo nga naman, walong taon niyang pinagtiyagaang hintayin na makagawa ng album at sa launching nito, hindi niya napigilang maging emosyonal. Sino ba naman ang hindi iiyak sa saya na finally, hindi na lang siya isang artista, recording star na rin siya. At sa totoo lang, napakaganda ng titulo ng isang single mula sa album na unang inilabas, ang Kailan Darating Ang Ayoko Na. At maging mismo ng kanta ay maganda, may hugot.
Sa ginagawang promosyon ng album niyang Emosyon kung saan ay nakapaloob ang kanta, hindi maaaring hindi ito mag-hit dahil sa napakakontrobersyal na music video na isang online drama series na ginawa ni direktor Maryo J. delos Reyes.
Baka hindi lamang si Orlando ang sumikat kundi maging ang lalaking nakasama niya na video na si Blumark Roces kapag nagustuhan ito ng manonood. Makikita n’yo ang kagandahan ng video kapag pinanood ito sa May 5, 12, 19, at 26 sa Star Music YouTube Channel sa ika-6 NG.
Daniel hindi alam ang ginawang kasalanan
Poor, poor Daniel Padilla. Hindi pa man nag-iinit sa naging bakasyon nila ni Kathryn Bernardo sa Japan ay nakagawa na agad ng kanyang kasalanan. I’m, sure na-realize na ngayon ni DJ na mali ang ginawa niyang pagyugyog sa isang Cherry Blossom tree sa nasabing bansa na iginagalang ng mga Hapon.
Hindi naman siguro sasadyain ni DJ na gumawa ng kabastusan lalo’t sa labas ng bansa, at kung alam niya na mali siya. Ang bilis naman niyong husgahan siya, hindi ba pwedeng nagkamali lang?