Aliwan Festival tatambakan ng mga guest artists!

MANILA, Philippines -  Magtatanghal sina Myrtle Sarrosa, TJ Monterde, JR, Paolo Onesa, Mark Carpio, 6 Cycle Mind, at ang mag-asawang Karylle and Yael Yuzon  sa iba’t-ibang kaganapan sa Aliwan Fiesta na nakatakda ngayong April 20-22.

Sina Myrtle at TJ ay aawit sa isang mini concert kasunod ng Tugtog ng Aliwan Rhythm Competition at Reyna ng Aliwan Festival Costume Competition kahapon, habang sina JR at Paolo Onesa naman ang tampok sa pageant night ngayon Biyernes.  Sina Ka­rylle at Yael ang magbubukas ng awarding ceremonies sa Sabado, samantalang sina Mark at ang bandang 6 Cycle Mind ang magtatanghal bilang intermission sa pagitan ng mga awarding segment.