Fast facts:
Name: Florito Guzman Dugaduga
Nickname: Carlo
Age: 47
Birth date: September 25,1969
Address: Labangon/Cebu City
Education: College: Cebu Normal University
Degree Program: AB Social Science
Favorite Food: Grilled squid and prawn
Motto: Padayon Pilipino!
Name: Atty. Juril Bruca Pateño
Nickname: Juril
Age: 33
Birth date: October 30, 1982
Address: Pit-os Cebu city
Education:
College: University of the Visayas
Undergraduate : AB Political Science
2nd course: College of law
Favorite Food: Kinilaw
Motto: Determination is the key to success
Kalit ang pag-usbong sa Brigada News FM ug wala damha sa nagdumala sa maong estasyon nga sila ang nag-una nga labing gipaminaw sa mga Sugbuanon base sa data sa Kantar sa last quarter sa miaging tuig.
Usa sa gikalingawan ug nikisaw og maayo diha sa kasingkasing sa publiko mao ang programang “Brigada Tandem”.
Gikatsika sa Banat News Hugyaw ang anchors sa nag-unang programa sa Brigada nga sila si Florito “Carlo” Guzman Dugaduga ug Atty. Juril Broka Pateño.
Si Atty. Juril nagsugod pagpanibya sa kahanginan sukad niadtong tuig 2010 sa Bombo Radyo-Cebu, samtang si Dugaduga nagsugod sa iyang trabaho sa radyo sukad pa niadtong tuig 1989 didto sa Bombo Radyo-Davao.
Nagsugod si Atty. Juril pagsibya sa Brigada niadtong tuig 2015 ug gihimo siyang partner kang Dugaduga kinsa nagsugod sa maong istasyon niadtong 2013 nga mao usab ang pagsulbong sa Brigada News FM-Cebu . Samtang nibarog si Dugaduga isip consultant sa maong istasyon sukad kini naabot dinhi sa Sugbo.
“I started as consultant in Brigada. I never expected this favor from the people will be granted in Bigada. Three years ago pa lang ang Brigada pero naabot na’s top. Imagine naa nay established na nga estasyon sa Cebu but three years in making nag-una na sila. Mao nang daghan nangutana kung giunsa namo,” suma pa ni Dugaduga.
Daghan na ang niagi nga partner si Dugaduga sa maong programa ug si Atty. Juril ang nagdugay.
Gitawag nga Brigada Tandem ang ilahang programa ug sa pag-abot ni Juril sa Brigada gigamit niya ang social media aron pagkuha sa atensyon sa mga millennials.
“Naghimo ko’g account sa Facebook para maka-live me pinaagi sa FB page. Ang among plano kay among target 15 pa lang ang edad kay gusto na namo makuha ang audience. To capture the attention of the millennials, gigamit namo ang social media,” nagkanayon si Atty. Juril.
Dugang pa ni Atty. Juril, nahulma ang maong programa dili lamang nga mo-rate sila kun dili aron makaserbisyo ngadto sa katawhan.
“We are not doing it para maka rate lang ang program, this is part of service para nila. In fact, we also accommodate sa mga tabang. Gusto me mohatag og entertainment ug kalipay sa mga tawo para makapahupay sa mga problema nila,” dugang pa niya.
Giangkon ni Dugaduga nga sa 26 ka tuig nga nagtrabaho sa radyo, karon pa siya nakasugat og grabeng suporta gikan sa listeners.
“I have been in broadcast in Cebu long time ago--Aksyon Radio for 10 years-- but I stopped when I entered government service,” sigun pa ni Dugaduga.
Bisan ang tag-iya sa istasyon nga si Elmer Catulpos, wala dayon makatuo nga nag-una ang iyang gipanag-iya nga istasyon.
“Even the owner cannot believe that Brigada is now number one. Until now he cannot move on, he keep on listening to us, why Brigada became number one. Ang iyang desire ato kay to be in the top 10 ra gyud, or wala lang basta makatingog lang ang Brigada ug mabaligya lang ilang products,”paambit pa ni Dugaduga.
Banat News Hugyaw (BNH): Unsa alang ninyo ang labing dakong challenge sa pagdala og usa ka radio program?
Dugaduga: For 26 years, murag nahimo na siyang routine. Every day is a challenge coz’ everyday is always a day that you will tackle different issues, angles and perspectives. Dapat mag-research gyud ka ug magbasa. Basic lang na siya, imong obligation man gud is to inform, to educate and much more ang atong audience kay they need to be entertained also.
Atty. Juril: How to capture the listener. You need to study para makahibaw ka tanan nimo nga i-discuss. Unsaon nimo pag-discuss kun dili ka magtuon? As a lawyer kay burden para nako kay mag-study pa ko, unya nikaon na kini sa akong time.
BNH: Nganu mura man mog mag-away sa inyong programa?
Dugaduga: We cater on three basic grounds ba-- wala lang me nag-educate. Ang set up namo kay we debate on an issue, bisan pa nga dili na mao ang among gituhuan, for the sake of discussion amo gyud nang i-feel para amo gyud ma-defend.
Atty. Juril: Among sabton ang topic namo ug sa programa na mogawas kun unsa ang among stand sa isyu. In that way we can show to them balance discussion, ang uban nga commentary programs man gud kay serious kaayo, ang amoa kay lahi, among gi-improve.depende kun kinsay una nga mo pro and mo-cons.
BNH: Unsa alang ninyo ang qualities isip sa usa ka broadcaster?
Dugaduga: Kinahanglan ka’g mental honesty. Dili ka magpakaaron ingon BUT exception ni siya sa Brigada Tandem, kay we need to pretend to entertain. You have to employ some wit, kay sa among chemistry ni partner, kun dili ka fast kaayo mo-catch sa estorya kay mag-nganga ka. Dapat alert gyud ka mosabot sa iyang tono sa estorya para dili ka mauwawan. Ang among chemistry ra gyud ang ni-rate sa tanan nakong niagi nga partners.
Atty. Juril: Dapat studious lang gyud ka. If you tackle some issues dapat knowledgeable ka, and based on facts pud ka sa commentary. Then, do not go beyond to your role as a broadcaster, attacking personality nga personal na kay dili pwede. Within the realm of public opinion lang.
BNH: Unsay sekreto ninyo nganong daghan man mo og listeners?
Atty. Juril: We should offer something new kay ma-feed up na sila. We do not fix our program, ang unsay format namo this day kay dili na pwede ibalik. Naa me innovations, like among apilan og expressions sama sa “Pak ganern” bisan “Apple Pen” kay amo nang iapil. Ni-rate me kay ang listeners kay magpangita na man namo. Kun usa mawala kay maguol ang listeners, we have to maintain nga healthy me kay lahi gyud ang program kun usa ra. The way ko mo-converse ni partner kay mura ra ko’g ordinary nga tawo,nagrepresent sa ordinary people nga dili maayo sa balaod. Nakapusta ang pagka-abogado nako dinhi sa among program. Very peculiar nga abogado ingon ani pero I need to gamble my profession para molingaw sa listeners
Dugaduga: Akong na-observe kay na-evolve na ang behavior sa naminaw. Na-discover namo nga aduna’y revolution sa behavior sa listenership, dili na serious type nga anchoring nga na-establish dinhi sa Cebu ang ilang gusto. Halos tanan mga anchors kay very serious commentary, ang amoa ni partner kay dili na kaayo hard, but we see to it that people are educated on the issues. Naa me na-break nga taboos like we call the devil on its own name. Kun uban moingon og vagina, pero kami we dare to speak taboos. Some people do not like, some of them do like also.
BNH: Nganu importante man ang commentary program?
Dugaduga: It is important today that you can contribute with the information dissemination. Kay ang information kay naa sa tanan, but how this information be put into meaning sa atong life.
BNH: Unsay message ninyo sa mga tawo nga walay puas ang suporta ug kanunay naminaw sa inyong programa?
Atty. Juril: We are not forcing them to listen to us kay voluntary na man na kun asa gyud sila maminaw. But we are very thankful kay nagpaminaw gyud sila namo karon ug wala gyud me nila biyae. Hinaot nga i-ampo lang sad me nila nga good health me always para makapadayon mi’g hatag og kalingawan kanila. We will double our efforts now that you have placed your full trust and confidence to our program.
Dugaduga: Ang pabor nga gihatag sa tigpaminaw sa tibuok lalawigan sa Sugbo kay very overwhelming. Sa dili nga tiaw-tiaw ninyo nga paghatag og support sa Brigada, amoa ning isipon nga utang kabubut-on gikan ninyo. Dili man gani namo mabayran, pero maningkamot mi’g report matag adlaw aron maka-alagad kaninyo kutob sa among mahimo ug makaya. (BANAT NEWS)