Nasayop og anunsiyo

CEBU, Philippines - Gipalukapa sa  American of age drama film nga “Moonlight” ang Oscar favorite film nga “La La Land” sa bag-ohay lang nga  89th Academy Awards human kini nakadaog isip best picture.

Naukyab ang katawhan sa dihang nasayop pag-anunsiyo sa mananaog sa best picture.

Unang gianunsiyo sa  award presenter nga si  Warren Beatty nga “La La Land” ang nakadaog.

Dali nga gipasabot ni Warren nga sayop nga envelope ang iyang nadawat kung diin nakasuwat ang Lalaland.

Nikomedya si Warren nga angayan basulon sa maong hitabo ang TV host nga si Steve Harvey.

Kahinumdoman nga  nahimong kontrobersyal ang  2015  Miss Universe sa dihang gianunsiyo ni Harvey nga nakadaog si  Miss Colombia , apan ang pambato diay sa Pilipinas nga si  Pia Wurtzbach maoy tinud-anay nga nakadaog.

Lauren todo workout

Giangkon ni  Lauren Young nga todo gyud ang iyang  pag-workout hinungdan nga nilutaw gyud ang iyang sexy body figure.  Wala gyud nausik ang effort ni Lauren gumikan kay nahatagan dayon siya og dakong proyekto sa iyang pagbalik karon sa  showbiz.  Nalakip si Lauren sa bag-ong serye sa GMA-7 nga Legally Blind nga gibidahan ni Janine Guttierez.

Arci target ni Xian

Gipangandoy gyud ni Xian Lim nga makauban si Arci Muñoz sa usa ka proyekto. Kung mahatagan og tsansa, gusto ni Xian nga makauban sa usa ka sexy scene si Arci.

Fans ni Nadine naningkamot

Todo paningkamot ang fans ni Nadine Lustre sa pagpangampanya sa ilang idolo kinsa usa sa mga finalist sa Kids Choice Awards 2017 sa  Nickelodeon. Nasayran nga nominado usab sa maong award giving body  sila si Liza Soberano ug Maine Mendoza.

Ikaw na Kim!

Kanunay nga makadawat og mga paghangop si Kim Chiu  gikan sa viewers sa higayon nga molugwa kini sa It’s Showtime. Nibakasyon si Anne Curtis sa laing nasud ug si  Kim ang kasamtangang mihulip kaniya.

Xia nalanag

Nadala sa tambalanan sa miaging adlaw ang Kapamilya child star nga si  Xia Vigor human naglain ang tiyan niini gumikan sa pan-os nga spaghetti nga iyang nakaon.  Naglawig ang pangalan ni Xia karong panahona gumikan sa hugyaw niya nga mga performance sa Your Face Sounds Familiar .

Reunion

Nagtapok og balik ang mga suod nga maghigala nga sila si Jackie Forster, Sunshine Cruz, ug Karla Estrada sa miaging gabii.  Puros produkto sa Regal ang nahisgotan nga mga aktres ug nagkauban sila kaniadto sa pelikulang  First Time, Like a Virgin niadtong 1992.

Dili lalim

Giangkon sa  beteranang  singer  nga si Jaya nga dili lalim mahimong hurado sa  "Tawag ng Tanghalan” sa It’s Showtime. Suma pa sa singer nga mga lig-on kaayo ang contestants sa maong kompetisyon.

Miangkon sa relasyon

Giangkon  sa anak ni Gary Valenciano nga si   Kiana nga duna sila’y relasyon sa singer nga si  Sam Concepcion. Giangkon kini ni Kiana sa dihang nilugwa siya sa  programang "Gandang Gabi Vice" .

Relasyon nagtakilid

Nagmalaumon  ang komedyanteng aktres nga si Gladys Guevarra nga mahilot ra ang problema sa relasyon nila karon sa iyang non-showbiz boyfriend.   Nagsaulog si Gladys  dili pa lang dugay sa iyang 40th birthday.

Na-enjoy sa pagka-single

Tsika pa ni  Sheena Halili nga bisan single siya karong panahona, nagmalipayon gihapon ang iyang kinabuhi.  Ubay-ubay na ka mga lalaki nga niagi sa iyang kinabuhi  apan kalit lang kini nga nangahanaw. Suma pa ni Sheena nga daghan siya og nakat-onan sa nangagi niya nga uyab. Kathryn mikiay-kiay

Gawas sa pag-arte, aduna pu’y nagpahipi nga  talento sa pagsayaw ang aktres nga si Kathryn Bernardo.

Nahimong viral ang dance video ni Kathryn kung diin nikiay-kiay siya og maayo sa awit nga  “Shape of You” ni Ed Sheeran.

Suma pa nga ang higala ni Kathryn nga si Arisse de Santos maoy nag-post sa maong video nga kalit lang gipistahan sa netizens. (BANAT NEWS)