First Impression

CEBU, Philippines - Naglung-ag ko’g kamote adtong Miyerkules sa buntag. Pagkaluto na, nipunit ko og usa ug inanay nga gipanitan. Sa akong tan-aw, mura’g daut siya kay daghang garas ug daw baho’ng bokbok. Pero pagpanit na nako, hamis man diay kaayo siya sa sulod, tam-is ug wala gyuy daot.  I was quick to judge. I was judgmental. I was guilty. Pakkk!

Pero mura’g normal rato. Sometimes, if not always, we judge people pinasikad sa ilang panagway ug binistihan. By how they look and talk. Magtuo ta nga maldita, hambugera, salbahis ug garaon ang usa ka tawo sa atong una pang paghimamat. But sa ngadto-ngadto, kun masuod na nato ang maong tawo, we realize sayup diay ta. Atong mamatud-an nga sukwahi sa atong unang pagtuo ang matuod nga pagkatawo sa maong binuhat. Kana kun makita na nato unsa ka maanyag ang ilang kasingkasing.

Just like sa akong nasakyan nga Grabcar few nights ago. Pagkakita nako sa picture dihang na-book na, akong impression sa driver kay saputon ug tiguwang na. Dili kaayo nako siya feel. Pero kay na-book na man, so sige go. But pagsakay na nako sa iyang car, I eventually realized nga he was very humble and soft-spoken.  Nawagtang ang signal sa iyang waze and he was very apologetic. So ako siyang giingnan nga dili maguol kay ako na lang siyang tudluan asa mi agi. Yes, nagsalig siya’g waze kay dili man gyud siya driver, but OFW. Siya’y tag-iya sa car, ug iyang kita bayad matud pa niya sa maong sakyanan ug sa uban nilang bills.

Siya si manong Romeo Tudtud Opla, 56-years old ug nagtrabaho sa Jeddah, Saudi Arabia kaniadto sulod sa pito ka tuig sa usa ka electrical company. Matud pa niya nga ni-abroad siya kay grabe kaayo sila’g utang kaniadto. He looked younger than his age unya nindot siya’g tingog. Nindot sab siya ikaistorya kay maka-feel ka sa iyang sincerity sa iyang mga tubag. In short, my first impression of him was wrong. Pakkk!

 So the moral lesson is, mas maayo gyud nga ang atong first impression sa usa ka tawo dili nato ipanabi. Angayan nga ato sa gyud nga ilailahon ug sination ang usa ka tawo, usa nato hukman. Ug dili gyud nato ibase ang atong tinagdan sa appearance sa usa ka tawo. Bulingit o humot man ug dagway ang atong mahimamat, angayan nga patas atong ipadangat nga pag-abi-abi. That is because, sa panahon karon, first impression does not last anymore. Remember: “Do not judge the book by its cover.” Angayan gyud nimong paklion ug basahon aron makasabot ka! Pakpak!

Mas close na

Tsika pa ni Xian Lim nga mas close na sila karon ni Kim Chui human sa ilang palahi nga pagsaulog sa Valentine’s Day. Matud pa niya nga daghan sila og naistoryaan ni Kim samtang nangatkat sa Mt. Pinatubo. Dugang pa niya nga mao na gyud kadto ang tsansa nga mas hisgutan nila ang mga butang nga kinahanglan nila nga mahibaw-an.

Mature na gyud

Gihulagway ni Direk Theodore Boborol nga dako na gyud og kausaban ang nahitabo karon sa actor nga si John Llyod Cruz. Matud pa niya  mas mature na ang estilo sa pag-arte ug nakabuhat na gyud kini og pangalan sa industriya. “ He’s of age and at the same time, I think he’s in place na parang kahit anong gawin niya, he’s already John Lloyd Cruz.” Suma pa ni Direk Theodore.

Minyo na

Gikasal na ang aktor nga si Luis Alandy ngadto sa iyang longtime non-showbiz girlfriend nga si Joselle Fernandez didto sa Two Gardens sa Tagaytay niadtong Biyernes. Nahimong ninong sila si Aga Muhlach ug Noel Ferrer. Mitambong usab ang magtiayon nga sila si Marco Alcaraz ug Precious Lara Quigaman.

Rufa, nanganak na

“Love at first sight” ang gibati ni Trevor Magallanes human makakita sa bag-o lang nga nahimugso nga anak nila ni Rufa Mae Quinto. Nanganak si Rufa niadtong Pebrero 17 sa St. Luke’s Medical Center Global City sa Taguig. Usa kini ka himsog nga batang babaye ug ginganlan nila kini og Alexandra Athena Magallanes.

Maglisod sa schedule

Giangkon ni Regine Velasquez nga nagpanagana siya nga moapil pagbalik sa ubang mga musical shows sa GMA gumikan kay maglisod siya og balanse sa iyang oras ug atensyon tungod sa iyang mga katungdanan sa kinabuhi. Matud pa niya nga dili lang una niya ahaton ang iyang lawas sanglit aduna man usab siya’y bag-ong show nga Full House Tonight.

Gi-atake sa high blood

Nalandig sa tambalanan ang aktor nga si John Regala human gi-atake sa high blood pressure. Matud pa nga gi-atake kini gawas sa usa ka supermarket didto sa Cavite. Adunay mga tawo nga nakasaksi sa panghitabo nga nagkanayon nga kalit lang kini nga naglisod og ginhawa ug mihikap sa dughan. (BANAT NEWS)