Never give up

Name: Jan Joseph Ocampo Echavarria

Nickname: Jan-Jan

Birthday: June 24, 1996

School & Course: University of San Carlos, BSBA-Operations Management

Hobbies: Hanging out with friends, chilling, going to the gym, running

Favorite Delicacy: Piyaya

Height: 5'8

Weight: 145lbs

Celebrity Crush: Pia Alonzo Wurtzbach

Favorite Color: Blue

Favorite Song: Angels Brought Me Here

Favorite Singers: Beyoncé, Adele, Ed Sheeran, Sam Smith, Mariah Carey Favorite Favorite Movie: Les Miserables

Motto: "Whenever you feel like giving up, remember why you started." "Dream big."

Titles/Achievements in Life:

-USC Himig Pinoy -Champion 2016

-Mr. UV 2014

-Sinulog Idol Season 8- Top 6 Grand finalist

- Performer of   US National Anthem (Manzano High School, Albuquerque, New Mexico) 2013

- Former TV5 Cebu talent

Usa sa adbokasiya nga gustong pamatud-an sa  20 anyos nga si Jan Joseph Echavarria mao ang pagpa-amgo sa mga tawo sa karon nga  henerasyon nga kinahanglan gyud nga pamatud-an ang ilang kaugalingon pinaagi sa pagpakita sa ilang mga espesyal nga talento aron molambo ang dagan sa kinabuhi. Suma pa niya nga gusto niya hunahunaon usab sa uban nga ang mga imposibleng makab-ot, mamahimong posible kung kanunay nga modasig ug maningkamot aron mahatagan kini og katumanan.

Dugang pa niya nga bisan sa panahon sa kalisdanan, kinahanglan gyud nga mobangon aron makahimo sa mga katungdanan nga gihatag sa Ginoo kanato. Gibutyag niya nga usa sa dili niya malimtan nga kasinatian sa kalisdanan mao ang panahon nga nasunugan sila  kaniadto ug nagsagunsun pa gyud  ang mga problema nga niabot sa iyang pamilya. Tuod man, nakalampus ra usab sila gumikan kay  kanunay kini nga mag-ampo ug naningkamot nga makabangon.

Ang   iyang  pagsampit sa Balaang Bata nga si Senyor Santo Niño mao  usab ang iyang sikreto human usab siya nakalampos sa Top 6 sa gipahigayong Sinulog Idol sa miaging buwan. Gipadayag ni Jan nga sa kadaghang kapakyasan nga iyang naagian, pabilin gihapon siya nga nidasig sa iyang kaugalingon nga aduna ra’y motagad ug mobilib sa iyang talento nga maoy mohatod kaniya sa kalampusan.

Giangkon ni Jan nga ikaduhang higayon na kini niyang pagsalmot sa Sinulog Idol. Sa una niya nga pag-audition, naguol siya pag-ayo tungod kay wala siya madawat. Niadtong tungura, nakahunahuna usab siya nga dili pa panahon aron siya malakip sa maong panagtigi. Apan tungod sa iyang kapursigido, misalmot  siya pagbalik sa  audition ug didto na miduol ang swerte niya tungod kay sa wala damha, nakasulod na siya sa Top 12 finalists.

“Grabe ka lipay, wala ko kasabot sa akong gibati pagkahibalo nako. Naghilak ko kay gitubag jud sa Ginoo  ang akong mga pag-ampo niya”, suma pa niya.

Tumong niya nga palambuon ang iyang katakus sa pag-awit mao nga nakahukom siya nga moapil. Gusto usab niya nga makasuway kung unsa gyud ang tinuod nga kasinatian kung ma-apil  sa maong kompestiyon. Gani, didto niya nakita nga dili lang basta maayong kasinatian ang iyang naangkon, dugang pa ang maayong relasyon sa iyang mga bag-ong nahimamat nga mga tawo kinsa nahimo niyang kasangka matag gabii sa maong kompetisyon.

“Dili gyud mabayran ang workshops ug ang preparations ug ang bonding namo sa ako mga co-idols. Grabe ang experiences.  Ang lessons nga akong nakuha.  Also, parte nako sa pamilya sa Sinulog Idol. Grabe dako kaayo ming pamilyaha ug maka-proud jud kaayo”, saysay pa niya.

Dili usab niya makalimtan ang tanang mibilib sa iyang talento ilabi na ang iyang pamilya nga kumpleto gyud nga mitambong aron mosaksi sa iyang performance  ibabaw sa entablado. Matud pa niya nga nalangkat na niya ang kadaugan tungod sa pagmahal ug suporta nga iyang nadawat gikan sa iyang inspirasyon nga mao ang iyang pamilya.

Mapasalamaton usab siya sa mga tawo nga bisan og dili kaayo niya suod sa personal apan mao kini usa sa hinungdan nganong aduna gyud siya’y igong kaisog nga dili mauwaw ug dili mawad-an og paglaum sa pagsubay sa iyang kapalaran sa Sinulog Idol.

QandA

BNH: Kinsa si Jan sa tinuod nga kinabuhi?

JAN: Mapinanggaon sa pamilya. Adunay kahadlok sa Ginoo ug certified Mama’s boy.

BNH:Unsa ang proudest moment sa imong kinabuhi?

JAN: Katong nikanta ko’s US National Anthem sa States four years ago, katong didto pa ko gapuyo ug ga-eskwela, maka-proud jud to nga time kay ako ang gi-represent nga mokanta sa ilang pambansang awit , unya bisdak kaaayo ko’g nawong hehe. Nilarga mi kay naaprubahan man among Visa that time.

BNH: Unsa nga kalidad ang imong gipangita sa usa ka singer?

JAN: Ang pinaka-importante para nako kay honesty jud. Be honest sa imong gikanta ug  diha mogawas ang emosyon. Be honest when you perform and don’t pretend.

BNH: Unsa ang imong damgo sa kinabuhi?

JAN: Sukad pagbata nako ganahan jud ko ma artista, sikat nga aktor ug singer ug ang mahimong successful nga businessman.

BNH: Unsa ang imong nakat-unan pag-apil nimo og singing contest?

JAN: Akong nakat-unan jud is to have a GOOD ATTITUDE ALWAYS bisag ginagmay o dinagko.

BNH: Kinsa ang singer nga gusto nimo maka-duet puhon?

JAN:   Si  Beyoncé hahaha. Bitaw ganahan ko makaduet si Morisette Amon.

BNH: Unsa ang imong future plans?

JAN: In God's will makabalik ko sa States ug mag-start sa ako own business. Pero karon mo graduate sa’ko.

BNH: Unsa ang imong role human sa Sinulog Idol?

JAN: To be a good influence to everyone and a good role model para sako mga ka edad nga hilig og kanta nga dapat e-pursue gyud nila na, kay God given talent mana ug  ayaw i-give up ang inyong mga pangandoy.

BNH: Pila imong edad nga nakat-on og kanta?

JAN:  Nine years old.

BNH: Kinsa ang nagtudlo nimo og kanta?

JAN: Akong lolo.

BNH:Unsa ang dili  nimo malimtan sa imong unang pagkat-on sa pagkanta?

JAN: Ang kanang vibrato, maihas man ko sa una kay kada kanta sako lolo, mo uyog-uyog dayon ang  iyang tingog.

BNH:Unsa ang imong mensahe sa  kabataan nga ganahan kaayo mag-apil-apil og singing contest?

JAN: Always believe in yourself ug ayaw i-limit imong kaugalingon... be brace and do what you love.

BNH: Define love.

JAN: Love is unconditional.

BNH: Kinsa ang nagpapitik sa imong  kasingkasing karon?

JAN: Sa pagka karon wala pa pero kabalo ko nga maabot rana.

BNH: Unsa imong mensahe sa mga tawo  nga wala pa kita sa ilang forever?

JAN: Hello sa mga tao diha nga pareha nako nga wala pa kita’g forever haha, ayaw mo pagdali, enjoy life, love will find its way to you. (BANAT NEWS)